Read Mousgoum Yama na wiini David 124 Bible Online

Yama na wiini David 124 - Mousgoum bible

Yama na wiini David 124

¹Yama na wiini David na burini hili n’amai warni tempel na ɓa a EPIƊ-ƊAI kai ɗa, n’aga a zina pumu ɗa asiya ɗa? Ɗai na Izrayel ɗa e miɗiŋ haw!

²Na ɓa a EPIƊ-ƊAI kai ɗa, a zina fu pumu ɗa asiya ɗa, waŋ hlai na ɗai e fiki amai sumu ɗa?

³A na ta ɗa e rɓumufuna karmu, waŋ hlai n’e zi hiy sumu ɗa.

⁴A na ta ɗa yem a hala gaimu ɗaw, a na ta ɗa yem zi ki a rɓumu sik.

⁵A na ta ɗa mayaw na gdaŋ, a bumu ta.

⁶Tese sini EPIƊ-ƊAI, n’a hinumu war miɗi aŋ lumumu, maini wazagai n’edi buza nɵa kai.

⁷Mu kurɗumusi tiɗi par na ɗa maini wala zi ɗufli, n’a kurɗasi mini azaw par nɵa, azaw ɗa a rawa raw, tumu mu kurɗumu kruɗ lai.

⁸Zinai na wiimu ɗa a EPIƊ-ƊAI gaini midini dama, Ni n’a za hlai n’amai gaiɗi yai.