Read Mousgoum Yama na wiini David 129 Bible Online

Yama na wiini David 129 - Mousgoum bible

Yama na wiini David 129

¹Yama na wiini hili n’amai. haa war agwiya par ɗai siɗi aŋ hitimiŋa ɵa, Izrayel miɗi haw.

²Haa war agwiya par ɗai siɗi aŋ hitimiŋa ɵa, amma e rɗi amai mada kai.

³Duɓa a bunda maini vuwai na ɗai zi hirim e hirmiŋ nɵa, sirɗini ɗa maini daŋ na mogokai su su nɵa.

⁴EPIƊ-ƊAI ɗa a jre, a pla sogom na ɗai na maafanai e rgiŋa gaini ɗa edi.

⁵Nagai paŋ n’e diriti Siyon kai ɗa, hina siyer a dûgûɗi, e wiyi duɓaɗi.

⁶Hiniɗi e bindi maini evek n’a diya amai midini dalam nɵa, n’a huula gaini agogoini par nɵa.

⁷Ɗif n’a ɵaŋ ɗa, tini maa a va kai, ni n’a rgaŋ amai ɗa, nɵa tap kaw kaalai.

⁸Ɗai n’e vigi ɗa, e miɗi ɓa: EPIƊ-ƊAI a ɓikiki, zaw tiyi mi ɓikiki war yikini EPIƊ-ƊAI ɗa, e miɗi nɵa kai.