Read Mousgoum Yama na wiini David 136 Bible Online

Yama na wiini David 136 - Mousgoum bible

Yama na wiini David 136

¹Ki si kol sini EPIƊ-ƊAI, buri ni ɗa a pɗem, buri pɗemni a na haa hlai n’a vada kai.

²Ki si kol sini Alaw na wiiɗi alawai, buri pɗemni a na haa hlai n’a vada kai.

³Ki si kol sini Abaiɗi abakaiɗi ɗai zi sda, buri pɗem a na haa hlai n’a vada kai.

⁴Sini Ni na ktai n’a za wazagai n’abakai n’a bunda ɗif hiyak ɗa, buri pɗemni a na haa hlai n’a vada kai.

⁵Ni na gaini siɗini ɗa, a za hlai n’amai, buri pɗemni a na haa hlai n’a vada kai.

⁶Sini a ni n’a tika afti amai midini yem, buri pɗemni a na haa hlai n’a vada kai.

⁷Sini Ni n’a za wazagai n’abakai n’a za gaglai, buri pɗemni a na haa hlai n’a vada kai.

⁸Futi aŋ ŋa girvudi, buri pɗemni a na haa hlai n’a vada kai.

⁹Tile gaini meeeɵek aŋ ŋa duvuk lai, buri pɗemni a na haa hlai n’a vada kai.

¹⁰A vidiɗi ali n’e wii avut na wiiɗi ɗai n’Egipte edi, buri pɗemni a na haa hlai n’a vada kai.

¹¹A miliɗisi ɗai na Izrayel edi warɗi Egipte par, buri pɗemni a na haa hlai n’a vada kai,

¹²gaini spak n’abai gara, buri pɗemni a na haa hlai n’a vada kai,

¹³Ni n’a ɓurwa yem-ra n’abai na mekele arba ca, buri pɗemni a na haa hlai n’a vada kai,

¹⁴a vigiɗisi ɗai na Izrayel arbani ɗaw, buri pɗemni a na haa hlai n’a vada kai,

¹⁵a ɓa Faraw gaiɗi asakaraini ɗa agoɗom arni yem-ra n’abai na mekele, buri pɗemni a na haa hlai n’a vada kai.

¹⁶Ni n’a ɵa wuzaɗi ɗaini edi war basga na kaɗataŋ, buri pɗemni a na haa hlai n’a vada kai,

¹⁷a fiɗiɗi paakai n’abakai, buri pɗemni a na haa hlai n’a vada kai,

¹⁸a fiɗiɗi paakai zi spak gara lai, buri pɗemni a na haa hlai n’a vada kai,

¹⁹a fuɗa Sihon, pai na wiiɗi Amoritekai, buri pɗemni a na haa hlai n’a vada kai,

²⁰gaini Og pai na Basan ɗa lai, buri pɗemni a na haa hlai n’a vada kai.

²¹A sa afti ɗa edi aŋ bulum, buri pɗemni a na haa hlai n’a vada kai,

²²aŋ bulum wiini Izrayel na ɗifni, buri pɗemni a na haa hlai n’a vada kai.

²³Ni na midini a kɵa gaimu Won hlai na mu ɗumuka war gir, buri pɗemni a na haa hlai n’a vada kai,

²⁴a hultumusi edi war tiɗi nagai n’e zumu gir ɗa par, buri pɗemni a na haa hlai n’a vada kai.

²⁵A sa simi miɗi ɗai paŋ, buri pɗemni a na haa hlai n’a vada kai.

²⁶Ki kol sini Alaw na war hlai n’amai, buri pɗemni a na haa hlai n’a vada kai.