Read Mousgoum Yama na wiini David 137 Bible Online

Yama na wiini David 137 - Mousgoum bible

Yama na wiini David 137

¹Gobi ɵimani raakai na Babilon ɗa, woni mi simni ca mi tûwi, Won hlai na mi ɗa hiini midiɗi Siyon ɗa.

²Sini luwoŋai n’a na ɵemaii tiɓ tiɓ ɗa, mi higi gaŋgraŋaiyi amai lew lew.

³Woni, ɗai n’e hilisi e miliyi ɗa, e miɗiyi ɓa mi zini yama, nagai n’e ziyi gir aryi midiyi ɗa ɓa, mi zini yama zi firiyi: e miɗi: ziniyi yama n’a Siyon par haw ɗa.

⁴Kapai mi zini yama na wiini EPIƊ-ƊAI, edi midini afti na zamai ɗa maɵa maɵa ɗa?

⁵Yeruzalem, na ɓa mada a wula li gaiku ɗa, ta na wus te mra pa su!

⁶Alsiŋa te duɓuga amai pini hŋa hŋaŋa, na ŋa mu hiina muduku kai, aŋ firiyuku a suwa wazagai na zamai paŋ kai ɗa,

⁷EPIƊ-ƊAI, hina muduku a wula gaini Edomotekai ɗa kai, na war mefeŋ na ɗai e ɗa tikiti Yeruzalem, e miɗi ɓa: Hiɗiti azumai, hiɗiti azumai, haa azumai sini eziɗi zi tûûri ɗa ta ɗa.

⁸Babilon na juvi, tuku n’aga ku va edi, ɵeɗ midini ni n’aga a vurguku midini meefeŋ na, ku zaŋ siyi ɗa!

⁹Sleɗ midini ni n’aga a miliɗi aliku n’agogoi, a kirpiɗi amai sini huwuŋ ɗa.