Read Mousgoum Yama na wiini David 138 Bible Online

Yama na wiini David 138 - Mousgoum bible

Yama na wiini David 138

¹Yama na wiini David, mu kuluku gaiɗi agula paŋ, wuzaɗi alawai zi rgi ɗa, mu zina yama buriku.

²Mu hurga azumai ara sini tempel na wiiku na sɗik sek, mu kuluku, burini pɗemku gaini jreku, buri ku va ɵinini-ha na wiiku amai a suwa na tiyi mi biyiŋ tuku par ɗa.

³Mefeŋ na mu tuwa suku ɗa, ku ɵina tûwiŋa, ku blaŋa sa amai su, ku saŋa gdaŋ lai.

⁴EPIƊ-ƊAI, paakai na midiɗi yai paŋ aga e kuluku, Won hlai n’aga e ɵini seŋ na ku muɗaŋ ɗa.

⁵Aga e kûli futi na wiini EPIƊ-ƊAI ɗa, e miɗi lai ɓa: abai na wiini EPIƊ-ƊAI ɗa abai gara.

⁶EPIƊ-ƊAI ɗa a na haa amai, arni sini wala n’a na haa azumai ɗa ca, gaigai par arni siɗi nagai n’e kûli siɗi ca.

⁷Na ɓa mu na arbani gir, tuku ku saŋa gdaŋ aŋ sumna kara, ku pa tuku midini hiy na wiiɗi gawŋa, tuku zi spak te kurɗaŋa edi.

⁸EPIƊ-ƊAI a ɵa wala paŋ edi aŋ pɗem buriya, EPIƊ-ƊAI, pɗemku ɗa a na haa hlai n’a vada kai, sda na ku zaŋ ɗa, hinaŋ afti ta kai.