Read Mousgoum Yama na wiini David 140 Bible Online

Yama na wiini David 140 - Mousgoum bible

Yama na wiini David 140

¹Yama na wiini David n’a tikaŋsi warni maktuɓ zi yama na wiini abai na midini yama par.

²EPIƊ-ƊAI, plaŋa edi tiɗi ɗai na maafanai par, kotoŋa wuzaɗi ɗai zi karai ɗa par lai,

³e hiini warɗi ɗa a sda na maafanai, mefeŋ paŋ e piyi ɗa a hatam.

⁴Alsi na miɗi te muguza maini na mini wala meefeŋ nɵa, musnaw na miɗi ɗa maini na wiini maakai nɵa. Sela

⁵EPIƊ-ƊAI, kotoŋa tiɗi na maafanai par, giɗimaŋa wuzaɗi ɗai zi karai. N'e piyi aŋ ɵiŋkiŋa azumai.

⁶Nagai n’e kûli siɗi ɗa e gini azaw wuza, e gini sogom gaini ava ɵimani futi wuza, e pi agu azumai aza. Sela

⁷Mu muɗa sini EPIƊ-ƊAI ɓa: Tuku k’Alawŋa, EPIƊ-ƊAI, zaga ɵimaku mini tûwiŋa zak.

⁸Alaw, EPIƊ-ƊAI, tuku ku spak na ku kurɗaŋa, tuku ku giɗimaŋa war mefeŋ na wiini hatam ɗa.

⁹EPIƊ-ƊAI, ku hina dirini ɗif na meefeŋ ɗa a va amai, n’a rgaŋ warni ɗa a ɵa edi kaalai, kapai kûlini-si a niya warni kai. Sela

¹⁰A zuva ɓa gir na nagai n’e gûniŋa azumai, e ziziniŋ buriya ɗa a kɵa midiɗi!

¹¹hina morzoni afu a yaka midiɗi, a zuva e pûkûɗi arni afu, azumai warni waŋ na hulum na woni par e niyisi amai kir kai.

¹²Nagai na alesiɗi te muɗa seŋ na meefeŋ ɗa, aga e simni midiɗi yai ɗa haa kai, ɗai zi karai ɗa, gir ɗ a aga a taɓa piɗi, e nivi si-amla kai.

¹³Mu sɗa ɓa EPIƊ-ƊAI a ziti sariya na jre wiiɗi na murgakai, a ɵa pini piɗi na haw ɗa par lai.

¹⁴A na ɵa, na jrekai aga e kûli yikuku, ɗai na agulɗi hilu ɗa aga e simni wuzani arku.