Read Mousgoum Yama na wiini David 142 Bible Online

Yama na wiini David 142 - Mousgoum bible

Yama na wiini David 142

¹Hitri na wiini David, Won hlai n’a naka warni waŋ na siɗi huwuŋ, siiwa.

²Mu ɗuula EPIƊ-ƊAI gaini wula amai, mu tuwa sini EPIƊ-ƊAI gaini wula amai.

³Mu tika tûwiŋa wuzani, mu miɗini midini girŋa lai.

⁴Won hlai na hiiniŋa a bunda huruf, tuku, ku sɗa futiŋa ya, futi na mu hala warɗi ɗa, e gini azaw wuza gaŋ.

⁵Mulasi arku sa, talaŋa haw le, ktai n’a sɗaŋa aŋ kir kai, hlaiŋa zi ŋoyai aŋ kir kai, ktai n’a hiina burini sunfaŋa aŋ kir kaalai.

⁶Mu ɗuula na ɗa suku, EPIƊ-ƊAI, mu muɗa: tuku ku hlai zi ŋoyai na wiya, ku bri na wiya na midini afti na wiiɗi ɗai na karɗi.

⁷Zaga ɵimaku mini tûwiŋa ɗa, buri ɓa m’an na gdaŋ wara kir kai, plaŋa edi tiɗi nagai n’e ɗa ziŋa gir ɗa par, buri nagai gdaŋai e sûwiŋa.

⁸Slaŋaɗi edi war daŋkai ɗa par su, kapai mu kola yukuku. Na jrekai ɗa aga e gûniŋa azumai, Won hlai na ku zaŋa pɗem li ɗa.