Read Mousgoum Yama na wiini David 143 Bible Online

Yama na wiini David 143 - Mousgoum bible

Yama na wiini David 143

¹EPIƊ-ƊAI, ɵina siiwaŋa, zaga ɵimaku mini tûwiŋa, wayaŋa seŋ buri pɗemku, burini jreku.

²Ku niya war sariya gaya ta na ɗifku kai, buri ɗif ktai na jre n’a kiɗa a ɗiya wuzaku arku aŋ kai.

³Gawŋa a tika futi pa, a blaŋa azumai, a bazaŋa azumai, a waaŋa azumai war gegeŋ na tikiɗim maiɗi ɗai na ɗipar n’e mri nɵa.

⁴Mu na gdaŋ wara kai, hiiniŋa a pra edi sa par su.

⁵Mada a kɵa gaini mefeŋ na ɗipar, mu waya mu muɗa gaini sdaku na ku zaŋ, mu hiina midini sda na ku zaŋ gaini tuku ɗa.

⁶Mu yimaɗi ta na ɗa puku, m’an na maini afti n’a firiya yem nɵa. Sela

⁷EPIƊ-ƊAI wayaŋa seŋ witaw ta, m’an na gdaŋ wara kai, ku bunda arku edi sa par kai, ɵa kai ɗa aga mu bunda maiɗi nagai n’e niyi azumai warni waŋ ɗa ɵa.

⁸Gorof par tar ku siŋkaŋa pɗemku, buri mu pɵa na ɗa muduku. Siŋkitiŋa futi na mu hala warɗi ɗa, buri ɓa ara aŋ gaini hiɗiki amai suku.

⁹EPIƊ-ƊAI, plaŋa edi tiɗi gawŋa par, mu ŋoya na ɗa suku.

¹⁰Hitraŋa aŋ za pini diriku, buri tuku k’Alaw na wiya. Hina sezeku n’a za pɗem ɗa a ɵa wuza aŋ kaŋa midini afti na meefeŋ woni kai!

¹¹EPIƊ-ƊAI, hinaŋa aŋ sumna kara burini yikuku, pini jreku ɗa, kurɗaŋa edi mini gir ɗa par;

¹²Pini pɗemku ɗa aga ku miɗi gawku ɗa, aga ku vidiɗi nagai n’e fiki amai sa ɗa paŋ edi, buri ta mu ɗifku.