Read Mousgoum Yama na wiini David 144 Bible Online

Yama na wiini David 144 - Mousgoum bible

Yama na wiini David 144

¹Yama na wiini David. Kol sin EPIƊ-ƊAI, na Huwuŋ na wiya, n’a hitra ta min hatam, ali ta min gaw ɗa lai.

²A ni n’a zaŋa pɗem, a hlaiŋa zi ŋoyai, a ɵaga na sa, a ni n’a plaŋa edi, a gamar na mu ŋoya duɓani, a i na mu ŋoya sini, a ni n’a tikaŋa amai midiɗi ɗaiŋa.

³EPIƊ-ƊAI, ɗif tiɓ ɗa asiya ɗa, na kapai ku hiina burini ɗa? Ɗif murɗek ɗa asiya ɗa, na kapai ku tika hangalku sini ɗa?

⁴Ɗif ɗa a smer kadai, mefeŋni a na maini sezeni luwuŋ, n hlai n’agwi aŋ kai ɗa nɵa.

⁵EPIƊ-ƊAI, jagasi mi hlai n’amai par ɗa azumai, tetema huwaŋai ɗa kapai a ya.

⁶Hina wilɗi na wiiku a wulɗa, ɵiriɗi gawku edi, ɓiɗi gaini ɓarawku, mliɗi hunai n’abai piɗi.

⁷Amai par, waŋasi tuku azumai, plaŋa edi, kurɗaŋa edi, min yem n’abai ɗa par, kurɗaŋa edi tiɗi ɗai n’edi par par.

⁸Na miɗi a muɗa ɗa a seŋ z'eles, n’e yimiti tiɗi a wus amai aŋ hi wala miɗi ɗa war jre kaalai.

⁹Alaw wiya, aga mu zina yama na hehe buriku, aga mu ɵiɓa adill na sogomni doogo buriku.

¹⁰A kûrɗiɗi paakai edi ɗa a ni, a pla David na ɗifni edi min kaɵkar zi fiɗi ɗai par ɗa a ni lai.

¹¹Plaŋa edi, kurɗaŋa edi lai, tiɗi ɗai n’edi par, na miɗi a muɗa ɗa a seŋ z'eles n’e yimiti tiɗina wus amai aŋ hi wala miɗi ɗa war jre kaalai ɗa.

¹²Aliyi na maɵagai ɗa, e ɗa maini luwuŋ n’a wula, a siɗa gir kai ɗa ɵa, na falakai ɗa, e ɗa maini luwoŋai n’e kilɗiŋ aŋ juf, n’e tikiŋ amlai war dalam na wiiɗi paakai ɵa.

¹³Vrakai na wiyi aŋ gai vi, pinzibani seyem paŋ warni paŋ, adumai gaini haakai na wiyi a bunda dubu dubu, edi war basga na wiyi ɗa, a za haa dubu kadai gama ɗi?

¹⁴Slaakai na wiyi ɗa, gai liki abakai ɵagai na siyi ɗa, hlai na gai hiɗi siɗi kai. Slaakai a sirɓa edi kai, ɗuwal zi marava war hlaiyi aŋ kir kai.

¹⁵Sleɗ midini pinziba na wazagai hanɗa a na za sini mai hanɗa ɵa, ɵeɗ midini pinziba n’EPIƊ-ƊAI a Alaw na wiiɗi.