Read Mousgoum Yama na wiini David 145 Bible Online

Yama na wiini David 145 - Mousgoum bible

Yama na wiini David 145

¹Yama zi kol na wiini David. Alaw na wiya, tuku ku pai, mu dara mukuluku, aga mu kola yikiku ɵa haa hlai n’a vada kai n’a vada kai.

²Aga mu kuluku mefeŋ paŋ, aga mu kola yikiku ɵa haa hli n’a vada kai n’a vada kai.

³EPIƊ-ƊAI ɗa a abai, a siɗa aŋ nava kol, abaini ɗa tini ɗif a ɵa miɗi kai.

⁴A zuva ɓa vuna vuna paŋ a kola sdaku na ku zaŋ ɗa, a zuva ɓa, ɗai e miɗi midini sdaku n’abakai ɗa.

⁵E miɗi midiɗi jufɗi abaiku zi ŋili, ta aga mu waya midini sdaku n’abakai n’a bunda ɗif hiyak katawai pra pra.

⁶Ɗai aga e miɗi midini spakku n’abai ɗa, ta aga mu muɗa miini sdaku n’abakai ɗa.

⁷Ɗai midiɗi aga a kɵa gaini pɗemku n’abai ɗa, aga e miɗi edi midini. Aga e miɗi midini jreku lai.

⁸EPIƊ-ƊAI, a tika pini seŋ kai, a va gaini hiinini haw, a luba seŋ, pɗemni abai lai.

⁹EPIƊ-ƊAI a pɗem buriɗi ɗai paŋ, dirini ɗa a na midini wazagai n’a zaŋ ɗa paŋ.

¹⁰EPIƊ-ƊAI a zuva ɓa sdaku na ku zaŋ paŋ ɗa a sa kol suku, marmakaiku na jrekai ɗa, e kuluku lai.

¹¹Aga e miɗi edi midiɗi abaiɗi paiku, aga e miɗi edi midini spakku lai.

¹²Kapai e siŋki sdaku n’abakai edi wiiɗi ɗai, gaiɗi abai na juf na wiiɗi paiku lai.

¹³Paiku ɗa, te pai na vidiɗi aŋ kai, ŋi na ku ŋa ɗa ha sini pinziba na wuzaku sek. Alaw a jre war wazagai n’a zaŋ ɗa paŋ, a pɗem war sdakaini paŋ lai.

¹⁴EPIƊ-ƊAI a zina piɗi nagai paŋ n’e kɵi azumai, a miɗiɗi nagai na gai fi ka ka ɗa amai.

¹⁵Gai hliɗi paŋ e biyi ɗa tuku, arɗi suku sek sek, ku siɗi simiɗi war hlaini ku tuku.

¹⁶Ku mala tuku edi, ku va wazagai na karni paŋ gaini simi n’a daraŋ.

¹⁷EPIƊ-ƊAI a jre war wazagai n’a zaŋ ɗa paŋ, a pɗem war sdakaini paŋ lai.

¹⁸EPIƊ-ƊAI a na gobi gaiɗi nagai paŋ n’e tuwi sini ɗa, gaiɗi nagai paŋ n’e twi sini war jre ɗa.

¹⁹A va hiiniɗi nagai n’e sini hormo ɗa amai, a ɵina tuwi n’e tuwi sini, a kûrɗiɗi edi lai.

²⁰EPIƊ-ƊAI a giɗimiɗi nagai paŋ n’e diriŋ ɗa, amma na maafanai ɗa a vidiɗi edi.

²¹Hinaŋa mu kola EPIƊ-ƊAI gaini yama, hina wazagai zi rgi paŋ a kola yikiku na sɗik, haa hlai n’a vada kai n’a vada kai.