Read Mousgoum Yama na wiini David 146 Bible Online

Yama na wiini David 146 - Mousgoum bible

Yama na wiini David 146

¹Kûli EPIƊ-ƊAI, a zuva ɓa mu kola EPIƊ-ƊAI!

²Na ɓa mu mra kai ɗa, aga mu kola EPIƊ-ƊAI gaini yama, na ɓa m’aŋ kara ɗa aga mu kola Alawŋa gaini yama lai.

³Ki pɵi midiɗi n’abakai zi spak ɗa kai, midiɗi ɗai na gdaŋɗi a kiɗa a kurɗa ɗif kai ɗa kai.

⁴Suŋfaɗi aga a niya edi, aga e wiyi azumai arni afti, mefeŋ ni dama, wazagai n’e hiiniŋ warɗi paŋ ɗa, a vada edi lai.

⁵Sleɗ aŋ midini ni na zinaini ɗa a Alaw na wiini Yakob, n’a baya tini Epiɗ-ɗai Alaw na wiini ɗa.

⁶A ni n’a za hlai n’amai gaiɗi yai, yem-ra n’abai gaini wazagai na warni paŋ lai, a ni n’a ɗiya midini jre ɵa haa hlai n’a vada kai.

⁷A za siɗi nagai n’e ɗa siɗi gir maini na tiɓ a za ɗa ɵa, a sa simi wiiɗi nagai na wiyamai te ziɗi. EPIƊ-ƊAI a piliɗi ɗai na war daŋgai ɗa edi.

⁸EPIƊ-ƊAI a mala arɗi na malvanai edi, EPIƊ-ƊAI a miɗiɗi nagai na gai fi ka ka ɗa amai, EPIƊ-ƊAI a diriɗi nagai na jre ɗa.

⁹EPIƊ-ƊAI ɗai zi zak, a zina piɗi na huyokai gaiɗi falakai na war greŋ; amma na maafanai ɗa, a hiniti futiɗi te ɵa edi kai.

¹⁰EPIƊ-ƊAI aga a ŋa ɵa haa kureɗ, -Yeruzalem, Alaw na wiiku ɗa aga a ŋa ɵa haa hlai n’a vada kai n’a vada kai. Kûli EPIƊ-ƊAI!