Read Mousgoum Yama na wiini David 149 Bible Online

Yama na wiini David 149 - Mousgoum bible

Yama na wiini David 149

¹Kûli EPIƊ-ƊAI! Zini yama na hehe burini EPIƊ-ƊAI, kûliŋ gaini yama war diŋgi na wiiɗi ɗai na jre ɗa.

²A zuva ɓa aliɗi Izrayel e firiyi war ni n’a ziɗi ɗa, ɗai na Siyon ɗa e firiyi gara burini paiɗi.

³E kûli yikini gaini didimi, e ɵiɓi gaŋga gaini adill pini lai.

⁴Buri EPIƊ-ƊAI a za pɗem siɗi ɗaini, a sa rɗi n’amai na wiini wiiɗi na murgakai aŋ wala zi gaŋ.

⁵A zuva ɓa marmakaini Alaw na jre e firiyi, e sini kol lai, koo midini liɗi, a zuva ɓa e ɗûûli gaini firiyi.

⁶A zuva ɓa yama zi kol na sini Alaw ɗa war miɗi kaai, kaɵkar n’a suma tini sulu paŋ war tiɗi kaai lai.

⁷Kapai e virgi meefeŋ na ɗai e ziŋ siɗi ɗa, e ziɗi gir wiiɗi ɗai lai.

⁸Kapai e rgiɗi paakaiɗi gaini jaɓ, e wii pokolom eziɗi abakaiɗi zi ɵi wuze ɗa lai.

⁹Kapai e zitiɗi sariya maini n’a ɗosi buriɗi nɵa, hanɗa a kol n’abai buriɗi marmakaini na jre ɗa paŋ. Kûli EPIƊ-ƊAI!