Read Mousgoum Yama na wiini David 16 Bible Online

Yama na wiini David 16 - Mousgoum bible

Yama na wiini David 16

¹Yama na wiini David Alaw wiya, ku giɗmaŋa, buri tuku ku hlaiŋa zi ŋoyai.

²Mu miɗini wiini EPIƊ-ƊAI ɓa: EPIƊ-ƊAI ku tuku Der na wiya ku tuku, der zami n’a suwuku aŋ kir kai.

³Midini afti hanɗa, nagai na wiini Alaw, e ɗi ɗai na gai hormoɗi, mu firyiɗi gara.

⁴Alawaiɗi na kadai a za viya ta, ktai a cosi li ɗa e tiɓi pini tar, e tiɓi pini tar. Aga mu miɗi fel kai, mu yika yikiɗi war ma kaalai.

⁵EPIƊ-ƊAI tuku ku bri na wiya n’a sa sa. Ku giɗima gal na wiya ɗa ku tuku, suŋfaŋa aŋ war tuku lai.

⁶Wala zi vili n’a za buriya ɗa, mu firyaŋ ta, bri n’a sa sa ɗa gaini futin gara lai.

⁷Mu sa tese sini EPIƊ-ƊAI n’a na gadaŋa koo duvuk maa, hiinaŋa a na muɗa seŋ gaya.

⁸Ara aŋ gaini mili sini EPIƊ-ƊAI kûreɗ-kûreɗ Mu kiɗa mu gigiɗa kai, buri EPIƊ-ƊAI aŋ gaya.

⁹Nɵa agula a firya, mu didima gaini firiyi sa a mla gaini hangal lai.

¹⁰Buri ɓ'aga ku hinaŋa edi war hlai zi simni na wiiɗi zi mri kai ku hina ɗifku na jre a hofa war waŋ kai.

¹¹Aga ku hitriŋa futi na te ka sini suŋfa hlai na ku na woni ɗa, firyi abai gara, gobi gaiku ɗa, muluk te vada kaalai.