Read Mousgoum Yama na wiini David 17 Bible Online

Yama na wiini David 17 - Mousgoum bible

Yama na wiini David 17

¹Siiwa na wiini David EPIƊ-ƊAI, tala jreŋa ɗa, zaga ɵimaku mini tûwiŋa ɗa, zaga ɵimaku mini siiwiŋa, buri a niyaɗi na ɗa war mi z'eles par kai.

²A zuva ɓa ku siŋka jreŋa edi ku tuku, a zuva ɓa arku a mula midini jre ɗa.

³Ku tala hiini na warɗi agula, ku fufukaŋa war duvuk, ku titimaŋa, amma ku nava wala ktai na meefeŋ sa kai, ma a muɗa seŋ na meefeŋ kaalai.

⁴Won hlai na mu tala sdaɗi ɗai, pini miɗi na wiiku ɗa, mu hina sa aŋ tikiti futiɗi ɗai na karasai ɗa kai.

⁵Mu tikiti te futi na wiiku, mu sirɓa edi warɗi par kai.

⁶Alaw wiya, mu yikuku na ɗa buri ɓa aga ku wayaŋa seŋ, zagasi ɵimaku ma, ɵina seŋ na mu na muɗuŋku ɗa.

⁷Tuku na ku kûrɗiɗi nagai n’e ŋûyi suku wuzaɗi nagai n’e piyiɗi seŋ miɗi ɗa, siŋka pɗemku ɗa edi ta,

⁸giɗimaŋa maiɗi awai n’arku nɵa, ŋoyaŋa pini graŋku.

⁹Kurɗaŋa tiɗi ɗai na maafanai n’e ɗa e ziŋa par, tiɗi gawŋa n’e piyi fiɗiŋa n’e guniŋa azumai ɗa par lai.

¹⁰Buri ɓa hiinini-haw warɗi kai, a niyasi miɗi par ɗa a kûlûni-si lai.

¹¹E ɗi na piyi yaw, tiyana e ûniyi azumai gun, a hina ɗa a sipi na n’e sipiyi azumai.

¹²E tili maini gurnai n’a firiya a ɓasa wala n’a yimaŋ ɗa nɵa, main gɗam i ahi gurnai n’a na rupta wala nɵa.

¹³Fakasi amai fak kai ɗi, EPIƊ-ƊAI, ɗiya miɗi gawŋa, hiɗiɗisi azumai, kurɗaŋa tiɗi gawŋa par gaini kaɵakarku.

¹⁴Koraŋa edi tiɗi ɗai par gaiɗi ti zi spak na wiiku, tiɗi ɗai na warɗi yai hanɗa par EPIƊ-ƊAI. Vidiɗi ɗai hanɗa edi, ku hiniɗi karɗi kai. Hinasi gir na wiiku n’a na war gɗam ɗa a kɵasi miɗi, a sirɓa midiɗi aliɗi, pini n’a hina a vuga haa siɗi tiyakaiɗi na asakal sek.

¹⁵Amma ta ɗa, aga mu tala arku war jre, War ɵiyi n’amai ɗa, won hlai na mu tuluku li ɗa, a vi na wiya ta.