Read Mousgoum Yama na wiini David 19 Bible Online

Yama na wiini David 19 - Mousgoum bible

Yama na wiini David 19

¹Yama na wiini David n’a tikaŋsi war maktuɓ zi yama na wiini abai na midini yama par

²Hlai n’amai ɗa a siŋkiti abai na wiini Alaw edi War hlai n’amai ɗa a siŋka sda n’a zaŋ gai tini ɗa edi.

³Yivai paŋ te muɗa seŋ hanɗa wiiɗi yivai na piɗi par Duvuk te siŋka hanɗa wiiɗi duvuk na piɗi par lai.

⁴Aŋ war miɗi kaalai, aŋ war seŋ kaalai, wule ktai a waŋsi edi kaalai.

⁵Miɗi na wiiɗi a wa edi midini afti paŋ a hala haa edi sin koŋɗi yai ta ta woni Alaw a pa gumu wiiɗi futi ɗa tiɓ.

⁶Gorof par, futi te niyasi anene, maini n’EPIƊ-ƊAI a niyasi amlai par nɵa. A yawa warɗi futi gaini firyi, maini gaŋgalaŋ nɵa.

⁷Te fakasi war koŋni hlai n’amai ktai par, te daba luwiiɗi sin koŋni hlai n’amai zamai wala n’a mula min yuvuguɗi par aŋ kai.

⁸Gadai zi ɗû na wiini EPIƊ-ƊAI ɗa, hilu gara a ɵiya suŋfa amai, zaida na wiini EPIƊ-ƊAI ɗa a jre a sa yel wiini ɗif na gaini niyi kai ɗa.

⁹Gadai zi ɗiyi na wiini EPIƊ-ƊAI ɗa a na ɗikat, a sa firyi warɗi agul Gadai na wiini EPIƊ-ƊAI ɗa a na gaglai a mala arni ɗif edi.

¹⁰Hormo na sini EPIƊ-ƊAI ɗa a wala na hilu, a na haa hlai n’a vada kai. Gadai zi ɗiyi na wiini EPIƊ-ƊAI ɗa a jre, ktai na meefeŋ pini aŋ kai.

¹¹Pɗemni ɗa a suw or, a suwa or na gai futini ɗa, nemni ɗa a suwa emel n’amai, a suwa emel n’amai na nem gara ɗa.

¹²Ta na ɵeŋku maa mu nava sa warni, asiya ɗi paŋ n’a tika li hangalni sini ɗa ribani abai.

¹³Ɗif n’a siɗa meefeŋni n’a zaŋ pini dirini kai ɗa asiya ɗa? Meefeŋ na mu zaŋ war siɗi kai ɗa, ku pɵaŋ mada kai.

¹⁴Ku kotaŋa tiɗi ɗai n’e kûli siɗi par, ku hiniɗi aŋ ŋi mada kai. Nɵa aga mu ɗiya ɗikat, ɗif aga a tikŋa meefeŋ n’abai sa kai.

¹⁵A zuva ɓa miɗi na ma par, gaini hiini na warɗi agula ɗa a tala arku pɗem, EPIƊ-ƊAI, Huwuŋ na wiya, Ɗif n’kurɗaŋa.