Read Mousgoum Yama na wiini David 2 Bible Online

Yama na wiini David 2 - Mousgoum bible

Yama na wiini David 2

¹Ɗai e migizi nɵa buri maɗa? Ɗai e ŋûriyi kadai meere na ɗa buri maɗa?

²Paakai na midiɗi yai e zizini siɗi mini hatam, n’abakaiɗi ɗai e kiti miɗi arbaɗi marɗi, aŋ fiki amai sini EPIƊ-ƊAI, aŋ fiki amai sini ɗif na emel n’e tiki ɗai war sda gaini a ma midini ɗa.

³E miɗi: Ruwumu sogomɗi ɗa, pukumu zaɓɗi ɗa edi lai.

⁴Ni n’a sumna war hlai n’amai ɗa a n’a riya piɗi, EPIƊ-ƊAI a n’a ziɗi yewere.

⁵Asakal par a muɗa siɗi gaini hiy n’abai, suwarni n’abai ɗa a miliɗi hunai piɗi lai.

⁶Mu tika paiŋa, midiɗi Siyon, huwuŋ na wiya na sɗik, muta.

⁷Mu dara mu muɗa seŋ na EPIƊ-ƊAI a muɗaŋ ɗa edi a muɗaŋa maini nɵa: Tuku k’ahiya girna par ɗa, apuku muta.

⁸Na ku zilbaŋa li midini pinziba na midini afti paŋ aŋ bulum ɗa, aga mu suɗuku, aga mu suku afti paŋ aŋ wiiku haa sini koŋni na puɗu paŋ.

⁹Aga ku ŋa midiɗi gaini gdaŋ, aga ku kirpiɗi maini grak z'afti na ɗif a kirpaŋ nɵa.

¹⁰Nɵa tiyana ɗa, tiki paakai ki zi yel, tiki n’abakai na ki ŋi midini afti, yimi gadai hanɗa.

¹¹Ki zi ɵeŋni EPIƊ-ƊAI gaini hormo, ki firiyi abai gara gaini ziriyi lai.

¹²Ki kûlini midini ahi ɗa amai, ɵa kai aga a za hiy, aga ki vidi war futi, buri ɓa hiy na wiini a faka goopa. Sleɗ midiɗi nagai paŋ n’e ŋûyi siɗi war tini.