Read Mousgoum Yama na wiini David 21 Bible Online

Yama na wiini David 21 - Mousgoum bible

Yama na wiini David 21

¹Yama na wiini David n’a tikaŋsi warni maktuɓ zi yama na wiini abai na midini yama par,

²EPIƊ-ƊAI, pai aŋ gaini firiyi burini spak na wiiku, a firiya gara Won hlai na ku sini rɗi n’amai.

³Ku va hiini na warɗi agulni ɗa amai, ku bla edi sini wala n’a payaŋ gaini mini ɗa kai. Sela

⁴Buri ɓa ku halasi mini gaini ɓiki na pɗamai, ku pitini bogorai zi or na gaini futini midini.

⁵A zilba buri a sumna karni, tuku ku hinaŋ karni lai, ku sini suŋfa na mogo, n’a vada kai haa kureɗ.

⁶Abaini te bunda amai burini rɗi n’amai na tuku ku siŋni ɗa, ku bundaŋ a zuva gara, a ŋala gara lai.

⁷Mu zaŋ aŋ wala zi ɓiki ɵa gamai, simnini na wuzani arku ɗa a vaŋ gaini firiyi,

⁸Pai a ɗiya hiinini midini EPIƊ-ƊAI, pini barkani yumni Alaw n’amai ɗa, a kiɗa a gigiɗa kai.

⁹Tuku pai ɗa aga ku ŋa midiɗi gawku paŋ, tuku zi spak aga te yimiɗi nagai n’e bili gaw suku.

¹⁰Won hlai na ku siŋkasi suku li edi wuzani arɗi ɗa, ku bindiɗi aŋ avai z'afu, war hiyni ɗa EPIƊ-ƊAI aga e biɗi, afu aga a limiɗi edi lai.

¹¹Aga ku vada pinzibaɗi edi midini afti par, edi arbaɗi ɗai par lai.

¹²Na ɓa e piyi aŋ zuku meefeŋ, e rgi miɗi muduku lai ɗa, aga e kiɗi aŋ zi wala na meefeŋ suku kai zaŋ.

¹³Buri ɓa aga e rivi wuzaku, ku ɓiɗi piɗi par gaini ɓarawku,

¹⁴EPIƊ-ƊAI, siŋka spakku n’abai ɗa edi ta kai, kapai tiyi ɗa mi suku kol burini sdaku n’abakai na ku zaŋ hanɗa gaini yama.