Read Mousgoum Yama na wiini David 23 Bible Online

Yama na wiini David 23 - Mousgoum bible

Yama na wiini David 23

¹Yama na wiini David, EPIƊ-ƊAI a ɗif zi giɗimi na wiya, Wala ktai n’aga a suwaŋa aŋ kai.

²A fanaŋ azumai arni kuzum na hirnaŋ, a kaŋa sini yem kapi sa a mula.

³A waya a saŋa gdaŋ pra, a ɵa wuza warni futi na pɗamai, kapai a siŋkiti abaini edi,

⁴koo ɓa mu niya war huduk na gegeŋ na wiini mri tekeɗeɗi, mu huna wala ktai kai, buri tuku EPIƊ-ƊAI k’aŋ gaya. Amaraŋaiku zi gɗam gaiɗi amaraŋaiku a tikiti agula azumai.

⁵Tuku ku zizina simi na pɗamai buriya, wuzaɗi nagai n’e ɗa aŋ gaw gaya, ku maŋa emel n’a luguza pɗem mada ku viti kup na wiya haa amai luf.

⁶Nkam, pɗem gaini yum na wiiku aga a taɓa pa, mefeŋ paŋ, Aga mu waisi war dalam na wiini EPIƊ-ƊAI, haa sin dibini suŋfaŋa.