Read Mousgoum Yama na wiini David 24 Bible Online

Yama na wiini David 24 - Mousgoum bible

Yama na wiini David 24

¹Yama na wiini David Afti gaini wazagai a warni paŋ ɗa a wiini EPIƊ-ƊAI, duniya gaiɗi ɗai na warɗi paŋ lai.

²A tikiti amai midini yem-ra n’abai ɗa A ni, a ɗiyiti gdaŋ amai midini yem-ra ɗa A ni lai.

³A kiɗa a niya amai midiɗi huwuŋ na wiini EPIƊ-ƊAI ɗa asiya ɗa? Na a kiɗa a ɗiya amlai warni hlaini na sɗik asiya ɗa?

⁴A ni na tini a tetema wala na meefeŋ kai, na hiini na meefeŋ warɗi agulni kai, n’a hina sini aŋ tana edi pini wazagai na jreni aŋ kai ɗa kai, n’a ha wala mini war rhai ɗa kaalai.

⁵Aga a nava ɓiki na wiini EPIƊ-ƊAI? Alaw n’a kurɗaŋsi ɗa aga a yimaŋ aŋ ɗif na jre.

⁶Hanɗa e ɗi nagai n’e ɗa piyi EPIƊ-ƊAI jre jre ɗa, n’e ɗa piyi Alaw fakat ɗa, hanɗa e ɗi pinzibani na jre ɗa. Sela.

⁷Mini hlai, mala edi abai. Mini hlai n’abai na ɗipar mala edi, pai n’abai a dara a niyasi amlai.

⁸Pai n’abai hanɗa asiya ɗa? Hanɗa a EPIƊ-ƊAI na gdaŋ, na gaŋgalaŋ, a EPIƊ-ƊAI na gaŋgalaŋ war hatam.

⁹Mini hlai, mala edi abai, mini hlai n’abai na ɗipar, mala edi, pai n’abai a dara a niyasi amlai.

¹⁰Pai n’abai ni ɗa asiya kiɗi ɗa? A EPIƊ-ƊAI n’a za hlai n’amai gaiɗi yai. Pai n’abai hanɗa A ni. Sela.