Read Mousgoum Yama na wiini David 25 Bible Online

Yama na wiini David 25 - Mousgoum bible

Yama na wiini David 25

¹Yama na wiini David, Epiɗ-ɗai Alaw na wiya mu bunda ara amai suku.

²Alaw wiya mu baiya tuku, ku hina siyer a ŋa kai, ku hiniɗi gawŋa e firiyi pa kai,

³Nagai n’e biyi tuku ɗa, siyer a dûgûɗi kai, amma siyer aga a dûgûɗi nagai n’e zi eles kadai.

⁴EPIƊ-ƊAI, siŋkaŋa futiku n’agogoi, hitraŋa futiku.

⁵Sla wuza warɗi futiku na jre, ku hitraŋa lai, buri tuku k’Alaw na ku kurɗaŋa, mu baiya tuku mefeŋ paŋ.

⁶EPIƊ-ƊAI, hina muduku a kɵa gaini hiinini-haw na wiiku gaini sdaku na jre na ku zaŋ, buri a na avut par haa kureɗ.

⁷Ku hina muduku a kɵa gaini tuwurŋa na mu zaŋ warni agwiya par, gaini hiŋa n’amai midini gadai, hina muduku a kɵa buriya buri jreku gaini pɗemku, EPIƊ-ƊAI.

⁸EPIƊ-ƊAI a pɗem, a ɗikat, buri nɵa a siŋkitiɗi futi wiiɗi na tuwarai.

⁹A ɵa wuzaɗi na hangalai war jre, hitiritiɗi futi na wiini.

¹⁰Futi na wiini EPIƊ-ƊAI paŋ ɗa a ɗikat, a jre, buri nagai n’e ɗiyi midini bonuni gaini gadai na pini ɗa.

¹¹EPIƊ-ƊAI, ku saŋa ni burini meefeŋŋa n’a suwa abai hanɗa, burini kol na wiiku.

¹²Ɗif n’a na sini hormo wiini EPIƊ-ƊAI ɗa, EPIƊ-ƊAI a siŋkitini futi n’aga a tikiti ɗa.

¹³Aga a sumna war muluk, pinzibani aga e tiki afti lai.

¹⁴EPIƊ-ƊAI asiɗi warni wiiɗi nagai n’e sini hormo, a siŋkiɗi bonu na wiini lai.

¹⁵Kureɗ, ara gaini hiɗiki sini EPIƊ-ƊAI, buri ɓa aga a plaŋa edi mini azaw na m’aŋ warni par.

¹⁶Bundasi arku sa, za yumku sa ta, EPIƊ-ƊAI, buri ɓa ɗif n’a zina pa aŋ kai, mu ɗif na haw.

¹⁷Hunai n’amai te yimaŋa kaai, plaŋa edi war gir na m’aŋ warni par.

¹⁸Tala gir n’aŋ sa gaini kayai n’aŋ sa, ku saŋa ni burini tuwurŋa paŋ.

¹⁹Tala gawŋa ɗa e sûwi viya gara, gawɗi na sa ɗa a suwa gdaŋ gara.

²⁰Ku giɗimaŋa kara, ku plaŋa edi, ku hina siyer a ŋa kai buri tuku ku hlaiŋa zi ŋoyai.

²¹Mu baiya na war tuku, ku hinaŋa aŋ za meefeŋ kai, ku giɗimaŋa war jre.

²²Alaw wiya, piliɗisi ɗai na Izrayel ɗa edi war girɗi paŋ par.