Read Mousgoum Yama na wiini David 26 Bible Online

Yama na wiini David 26 - Mousgoum bible

Yama na wiini David 26

¹Yama na wiini David, EPIƊ-ƊAI, siŋkiti jreŋa ɗa edi, buri mu paya payai na ɗikat, mu ɗiya yimiŋa midini EPIƊ-ƊAI, aga mu gigiɗa kai.

²EPIƊ-ƊAI fufukaŋa, tetemaŋa, tala hiini n’aŋ warɗi agula paŋ.

³Pɗemku a na wuzani ara, mu paya war jreku.

⁴Mu sumna gaiɗi ɗai na maafanai kai, mu paya gaiɗi ɗai z'alasakai kaalai.

⁵Mu firyiɗi ɗai n’e zi meefeŋ ɗa kai, mu sumna gaiɗi ɗai na maafanai kaalai.

⁶Mu ma ta edi aŋ siŋka ɓa ta war seŋ kai, mu guna Gûwiŋ zi ɓaka na wiiku azumai, EPIƊ-ƊAI,

⁷aŋ sa teseŋa suku, aŋ muɗa edi midini sdaku n’abakai na ku zaŋ ɗa.

⁸EPIƊ-ƊAI, mu firiya simni n’amlai warni hlaiku zi simni na wiiku ɗa, hlai n’abai na wiiku t'aŋ woni ɗa.

⁹Ku tapaŋa gaiɗi na tuwarai ktai kai, ku baŋa gaiɗi zi ɵiɓi belek ɗa kai,

¹⁰nagai na tiɗi a za wazagai na haharai, na tiɗi na wus a va gaini katu n’a sa war futini kai.

¹¹Ta ɗa payaiŋa a na ɗikat, plaŋa edi su, za yumku sa ta.

¹²Mu paya na warɗi futi na gaini futiɗi, war diŋgi, mu sa kol sini EPIƊ-ƊAI.