Read Mousgoum Yama na wiini David 27 Bible Online

Yama na wiini David 27 - Mousgoum bible

Yama na wiini David 27

¹Yama na wiini David, EPIƊ-ƊAI a gaglai na wiya, A ni n’a kurɗaŋa, mu huna zamai ɗa asiya ɗa? EPIƊ-ƊAI a hlai zi ŋoyai na wiya, n’aga a mulaŋa hunai pa ɗa asiya ɗa?

²Won hlai na ɗai na maafanai e hilisi mada, aŋ lmaŋa maini wazagai n’edi buza na tuwarai nɵa, aga e kiɵiŋi, e kɵi azumai, e ɗi nagai n’e bili gaw sa, gaiɗi gawŋa ɗa.

³Koo ɓa vokɗi askarai e hilisi e pi ma tiɓ maa, agula te huna kai, koo ɓa gaw a fakasi amai sa tekeɗeɗi, hiiniŋa a turlai kai.

⁴Mu zilba tini EPIƊ-ƊAI ɗa a wala ktai pal, saiŋa aŋ midini gara, a simni na mu sumna aha war dalam na wiini EPIƊ-ƊAI haa sini dibini sunfaŋa; aŋ tala pɗemni EPIƊ-ƊAI, aŋ tala jufni tempelni lai.

⁵Buri ɓa war mefeŋ zi gir ɗa aga a ŋoyaŋa amlai warni gumuni, aga a ŋoyaŋa amlai a "kata". Aga a tikaŋa amai merfeŋɗi huwuŋ.

⁶Tizaw aga mu tala sa amai par midiɗi gawŋa n’e guniŋa azumai ɗa, amlai war dalam na wiini EPIƊ-ƊAI aga mu zini ɓaka arbani suura zi firiyi. Mu zina yama mu kola EPIƊ-ƊAI lai.

⁷Won hlai na mu yukuku li buri ku zina pa, EPIƊ-ƊAI, hiina haw buriya, ɵina tûwiŋa.

⁸Mu hiina midini seŋku n’a muɗa ɓa: Piyiŋa, mu piyiku na ɗa ku tuku EPIƊ-ƊAI!

⁹Bunda arku edi sa par kai, war suwarku ku hogoŋa ta na ɵeŋku edi kai. Zinai na wiya ku tuku, ku hinaŋ a edi kai, ku bunda arku edi sa par kai. Tuku Alaw na ku na kurɗaŋa.

¹⁰Koo ɓa apa gaiɗi ama e hiniŋa edi tekeɗeɗi, EPIƊ-ƊAI aga a yimaŋa sini.

¹¹EPIƊ-ƊAI, siŋkitiŋa futiku, kaŋa warɗi futi na pɗemi, buriɗi nagai n’e riptiŋa war ŋoyai.

¹²Ku hinaŋa mu kɵa war tiɗi gawŋa kai, buri ɓa zaidakai na jrekai kai e fiki amai sa aŋ piŋa seŋ maɗa. E firiyi e miliŋa hunai pa.

¹³Mu yima jre ɓa aga mu tala sda na pɗamai na wiini EPIƊ-ƊAI, warɗi yai na mu ɗumu warɗi hanɗa.

¹⁴Pɵa midini EPIƊ-ƊAI, ɗiya gdaŋ, pa arku, pɵa midini EPIƊ-ƊAI.