Read Mousgoum Yama na wiini David 29 Bible Online

Yama na wiini David 29 - Mousgoum bible

Yama na wiini David 29

¹Yama na wiini David, tiki aliɗi alawai, siɗi EPIƊ-ƊAI, siɗiti abaini gaini spakni.

²Si kol sini yikini Alaw, hûrgi azumai wuzani EPIƊ-ƊAI, won hlai n’a siŋksi sɗikni edi.

³Wulani EPIƊ-ƊAI a na wa edi midini yem, Alaw n’abai a na ɓara, EPIƊ-ƊAI a ŋa midini yem-ra n’abakai.

⁴Wulani EPIƊ-ƊAI a wa gaini spak, wulani EPIƊ-ƊAI a wa warɗi abaini.

⁵Wulani EPIƊ-ƊAI a haɗa luwuŋ Sedre, EPIƊ-ƊAI a haɗa luwuŋ Sedre na Liban.

⁶A za huwoŋai na Liban ɗa a pra amai maini ahi ɵeŋ nɵa, huwuŋ na Hermon ɗa maini ahi Hilu nɵa lai.

⁷Wulani EPIƊ-ƊAI ɗa a yaka afu.

⁸Wulani EPIƊ-ƊAI ɗa a muguza basga na kaɗataŋ ɗa, EPIƊ-ƊAI a muguza basga na kaɗataŋ na Kades.

⁹Wulani EPIƊ-ƊAI n’a wa ɗa a milini hunai pini baryamai n’a dara a wa ali, haa a wa alini edi a ɵara jur edi. Amlai war tempel na wiini ɗa paŋ a sa kol sini Alaw.

¹⁰EPIƊ-ƊAI a sumna midini yem n’abai n’a biti yai ɗa, EPIƊ-ƊAI a pai ɵa kureɗ.

¹¹EPIƊ-ƊAI aga a siɗi spak wiiɗi ɗaini, EPIƊ-ƊAI aga a ɓikiɗi ɗaini, a siɗi ɵeɗ.