Read Mousgoum Yama na wiini David 3 Bible Online

Yama na wiini David 3 - Mousgoum bible

Yama na wiini David 3

¹Yama na wiini David. Won hlai n’a na ŋoya wuzani Absalom n’ahini.

²EPIƊ-ƊAI, gawŋa e sûwi viya gara, nagai n’e fiki amai sa viya gara lai.

³Nagai n’e miɗi mada ɓa: Alaw aga a kurɗaŋ kai ɗa e ɗa viya lai. Sela

⁴Amma tuku EPIƊ-ƊAI ku gamar n’a kotoŋa wuzaɗi gawŋa, k’abai na wiya na ku saŋa hormoŋa n’avut ɗa.

⁵Mu ɗuula sini EPIƊ-ƊAI gaini wula amai, amai midiɗi huwuŋ na sɗik par a wayaŋasi seŋ. Sela

⁶Mu fana azumai, mu kala weseŋ, mu ɵiya amai lai, buri ɓa EPIƊ-ƊAI a n’a zina pa.

⁷Mu huna wuzani faraɗi ɗai na dubu dubu n’a gunaŋa azumai ɗa kai.

⁸EPIƊ-ƊAI, fakasi amai, Alaw wiya koroŋa edi kor, buri ɓa ku ɵiɓiɗi gawŋa sini galaiɗi, ku haɗa sesiyeŋ na miɗi ɗai na maafanai edi lai.

⁹Kûrɗi na wiini ɗif ɗa aŋ tini EPIƊ-ƊAI, a zufa ɓa ɓiki a sumna midiɗi ɗaiku lai. Sela