Read Mousgoum Yama na wiini David 30 Bible Online

Yama na wiini David 30 - Mousgoum bible

Yama na wiini David 30

¹Yama na wiini David na buri zi n’edi sɗik na wiini tempel

²Mu sa kol suku EPIƊ-ƊAI, buri ku yimaŋa amai, Ku hiniɗi gawŋa e firyi pa kai.

³EPIƊ-ƊAI, Alaw wiya, Mu tuwa suku tuku ku zuulaŋa.

⁴EPIƊ-ƊAI, ku yimaŋasi azumai war hlaiɗi ɗai zi mri par, Mu nafu aza mini waŋ ca, amma ku yimaŋasi amai, ku hinaŋa kara.

⁵Zini yama burini EPIƊ-ƊAI, tiki marmakaini na jre, Kûliŋ gaini yama, yiki yikini na sɗik,

⁶Buri hiy na wiini a na buri hlai n’agwi, amma yum na wiini a na haa hlai n’a vada kai. Koskoi ɗa a tuwi Gorof par ɗa a suura zi firyi lai.

⁷Mu naka gaini hangala ɗa, mu hiina ɓa wala ktai maa aga a muguzaŋa kai.

⁸EPIƊ-ƊAI, pin barkaku ɗa, ku ɗiyiti huwuŋi na wiya gdiŋi Amma ku bunda arku edi sa par pla, hunai n’abai a yimaŋa.

⁹EPIƊ-ƊAI mu tuwa na ɗa suku, Epin-geza mu siiwuku, hiina haw buriya.

¹⁰Ribaku ɗa a ma ɗa, na ɓa mumra su ɗa? Na ɓa mu niya war waŋ waŋ dak ɗa! Ɗif a bunda li aŋ afti ɗa, a kiɗa a kuluku ɗi? A kiɗa a muɗa edi midini jreku ɗi?

¹¹EPIƊ-ƊAI, za barka, hiina haw buriya, EPIƊ-ƊAI zina pa ta.

¹²Ku bunda tuwuŋa aŋ firiyi, sapa zi tuwi n’aŋ sa ɗa, ku bundaŋ gaini sapa zi fet.

¹³Kapai suŋfaɗi agula a kuluku gaini yama kureɗ, a ɓa mini kai, Epiɗ-ɗai Alaw na wiya, aga mu kuluku haa hlai n’a vada kai.