Read Mousgoum Yama na wiini David 33 Bible Online

Yama na wiini David 33 - Mousgoum bible

Yama na wiini David 33

¹Tiki na jrekai, ɗûûli gaini firyi burini EPIƊ-ƊAI, yama zi kol a zuva siɗi nagai n’agulɗi hilu.

²Kûli EPIƊ-ƊAI gaini gaŋgraŋ ɵiɓini adill na sogomni doogo.

³Zini yama na hehe burini kiti wulani wazagai zi yama gaini suuraki zi firyi n’a wa ɗa!

⁴Buri seŋ na wiini EPIƊ-ƊAI ɗa a na ɗikat, sdani paŋ ɗa a va amai war jre

⁵EPIƊ-ƊAI a firya sda na jre, n’a za maini n’a ɗiya nɵa afti ava gaini pɗem na wiini EPIƊ-ƊAI.

⁶Hlai n’amai ɗa, a za gaini seŋ na min EPIƊ-ƊAI. Wazagai na warni paŋ a za gaini smer na mini par.

⁷A tapa yem-ra n’abakai war hlai ktai, yem-ra n’abakai na hulamai, a giɗimaŋ war hlai ktai ta lai.

⁸A zuva ɓa afti paŋ a huna EPIƊ-ƊAI, ɗai na midiɗi yai paŋ e jiriyi wuzani.

⁹Buri ɓa a muɗa li ɗa, wala a za, a sa miɗi li ɗa wala ni a za lai.

¹⁰EPIƊ-ƊAI a tuura plaŋ na wiiɗi ɗai edi, hiini na wiini ɗif paŋ ɗa a daba war tini.

¹¹Plaŋ na wiini EPIƊ-ƊAI a na haa kureɗ, n’a hiinaŋ warɗi agulni ɗa a na haa hlai n’a vada kai n’a vada kai.

¹²Sleɗ midini afti na EPIƊ-ƊAI a Alaw na wiini, ɵeɗ midiɗi ɗai n’e viriɗi aŋ bulum na wiini.

¹³Amai war hlai n’amai par, EPIƊ-ƊAI a mulasi arni azumai, a tiliɗi ɗai paŋ.

¹⁴War hlai n’a sumna warni par, a na tiliɗisi, ɗai na midiɗi yai ɗa paŋ.

¹⁵A ni n’a siɗi agul ktai ktai paŋ, n’a tika hangalni sini sdaɗi paŋ lai.

¹⁶Pai ɗa a kurɗa mini gaw par, buri vokɗi askarai n’abai ɗa kai, gaŋgalaŋ ɗa a kurɗa buri gdaŋni n’abai ɗa kaalai.

¹⁷Miɗi n ɓa plis ɗa a sa rɗi n’amai ɗa a eles kadai gdaŋni a kiɗa a kurɗa ɗif na duɓani kaalai.

¹⁸Arni EPIƊ-ƊAI t'aŋ midiɗi nagai n’e sini hormo ɗa, midiɗi nagai n’e ɗa biyi pɗemni ɗa.

¹⁹A kûrɗiɗi edi min mri par a giɗimiɗi karɗi war mefeŋ zi wiyamai lai.

²⁰Tiyi ɗa, mi biyi na ɗa tini EPIƊ-ƊAI, a zinai na wiyi, a gamar na wiyi.

²¹A siyi firyi warɗi agulyi ɗa a ni, tiyi mi ɗiyi hiiniyi midini Alaw na sɗik.

²²EPIƊ-ƊAI, za pɗemku siyi, maini na mi ɗa biyiŋ tuku par nɵa.