Read Mousgoum Yama na wiini David 35 Bible Online

Yama na wiini David 35 - Mousgoum bible

Yama na wiini David 35

¹Yama na wiini David. EPIƊ-ƊAI, pa seŋ mdiɗi nagai n’e pi seŋ mada, hitimiɗi nagai n’e hitimŋa ɗa lai.

²Mulasi gamarku n’agwi gaini n’abai, fakasi amai, lawaŋa ɗuwal.

³Rɗiti kawaiku gaini yalaku edi midiɗi nagai n’e ɗa piyiŋa gaini seŋ ɗa, muɗa sini suŋfaɗi agula ɓa: Mu kurɗuku muta.

⁴Nagai n’e piyi fiɗiŋa ɗa hina siyer a duguɗi, ku tika barkaɗi edi, nagai n’piyi aŋ ziŋa meefeŋ ɗa, e wiyi duɓaɗi gaini siyer lai.

⁵A zuva ɓa e bindi maini smer na bra a faanan nɵa, a zuva ɓa Sleŋ na wiini EPIƊ-ƊAI a birgiɗi.

⁶A zuva ɓa futiɗi te bunda gegeŋ, te sirɓa lai, a zuva ɓa, Sleŋ na wiini EPIƊ-ƊAI a tika futi piɗi.

⁷E ɓli waŋ aza tiɓ, e gini azaw mini gaŋ, pini seŋ ktai kaalai. E ɓli waŋ hanɗa ɓa kapai mu mra woni kadai meere.

⁸A zuva gir n’abai a luɓasi midiɗi tizaw, azaw na e giniŋ ɗa, a yimiɗi nagai dama, e mri mini gir n’abai hanɗa.

⁹Nɵa aga mu firiya abai gara burini EPIƊ-ƊAI, aga mu firiya abai gara buri ɓa a kurɗaŋa.

¹⁰Gaiɗi agula paŋ aga mu muɗa ɓa: EPIƊ-ƊAI, ɗif na maiku ɵa ɗa asiya ɗa? N'a kiɗa a pla na murga tini ɗif na gdaŋni a suwaŋ par ɗa? N'a kiɗa a pla ɗif na haw gaini na murga tini ɗif n’a kiriɗi par ɗa?

¹¹Zaidakai najrekai kai e hilisi, e ɵbiŋa midini wala na mu sɗa futini kai,

¹²pɗem na mu ziŋɗi ɗa, e wiyiŋa midini ɗa a meefeŋ, ɗif sa kir kai.

¹³Won hlai n’e ɗika veglek ɗa, mu wa sapa zi yuwi sa, mu hosa sa azumai, mu tika sai. Mu waya pini siiwaŋa na buriɗi kûreɗ-kûreɗ.

¹⁴Mu bubula sa azumai maini war veglek na wiini marmaya zaw tawala nɵa, gdaŋŋa a ɗiya amai kai, sa paŋ a kwima maini ɗif n’a za groho na wiiɗi emini nɵa.

¹⁵Amma nagai ɗa, won lai na aza a wula li ɗa, e riyi pa gaini riyi, e tipi siɗi mada, nagai n’e fiɗiŋa ɗa, e tipisi sa labar maa ta kai, e biziŋa edi mefeŋ paŋ.

¹⁶Ɗai na maafaŋai gaiɗi zi zi anya war hlai ni ɗa, e limi sesiyeŋɗi sa.

¹⁷EPIƊ-ƊAI, suku dam, ku tala wala hanɗa gaini arku ɵa haa kaswata ɗa? Plaŋa edi mini sdaɗi na meefeŋ n’e ɗa ziŋ sa hanɗa par su kai ɗi! Plaŋa edi mini ali gurai hanɗa par su kai ɗi!

¹⁸Aga mu suku tese war diŋgi n’abai, aga mu kuluku gaini yama arbaɗi faraɗi ɗai na viya lai.

¹⁹Hiniɗi nagai n’e bili gaw sa pini wala ktai kai ɗa e firiyi pa kai, nagai n’e diriŋa kai, pini wala ktai kai e dûgi arɗi wiiɗi marɗi pa kai.

²⁰Buri ɓa, seŋ zi ɵeɗ a niyasi war miɗi par kai, amma aŋ warɗi ɗa a seŋ z'eles n’e miɗiŋ siɗi ɗai n’e ɗa gaini n’e ɗa gaini hangalɗi siɗi midini afti ɗa.

²¹E mili gurɗokɗi mal mal, e miɗi: Ahaa! Yawwa! mi tiliŋsi gaini aryi mal mal.

²²EPIƊ-ƊAI, tuku ku tala sda n’a za hanɗa ya, ku sumna liyik kai, ku yima warku edi sa kai, EPIƊ-ƊAI.

²³Alaw wiya, Epin-geza, fakasi amai aŋ siŋka jreŋa edi, ɗiyasi pa won hlai na gawŋa e pi seŋ mada.

²⁴Epiɗ-ɗai Alaw wiya, tuku ku jre, siŋka jreŋa edi, ku hiniɗi ɗai hanɗa e firiyi pa kai

²⁵Ku hiniɗi e miɗi kai ɓa: Ahaa, yawwa, hanɗa a wala na mu piyuŋmu ɗa, e hiini kai ɓa: Mu rɓuŋmu li kiɗi!

²⁶A zuva ɓa gaiɗi hlaiɗi paŋ e tiki siyer, siyer a duguɗi, nagai n’e ɗa firiyi pini girŋa ɗa, nagai n’e fiki amai sa ɗa, siyer a duguɗi, hormoɗ lai a tika edi lai.

²⁷Nagai n’e firiyi jreŋa ɗa e duuli gaini firiyi, e firiyi lai, e miɗi kureɗ lai ɓa: Alaw a na. A firiya ɵeɗ na wiini ɵeŋni ɗa.

²⁸Ta aga mu muɗa edi muduku ɓa: Ku na jre, mefeŋ paŋ aga mu kuluku gaini yama.