Read Mousgoum Yama na wiini David 38 Bible Online

Yama na wiini David 38 - Mousgoum bible

Yama na wiini David 38

¹Yama na wiini David, kapai midini Alaw a kɵa gaini.

²EPIƊ-ƊAI, ku zaŋa gir war hiyku kai, ku ɵiɓaŋa war suwarku kaalai.

³Ɓarawku a yimaŋa li, tuku te yimaŋa meefeŋ kaai.

⁴Buri hiyku ɗa, sa paŋ a daɵa paŋ, burini tuwurŋa ɗa, keɵke ktai na pɗem a hiina sa kai.

⁵Meefeŋŋa a suwa mada suwai aŋ mada maini jak na guma nɵa, a luba gaya kai.

⁶Wuruk na sa ɗa a za alu ta, a na luguza, buri hangala n’a kiɗa kai ɗa.

⁷Gdaŋŋa a ɗiya amai kai, mu kaiya kaɵa kaɵa, mu hala mu kiɵiŋa gai kiɵiŋi, ara lai a yima amai kai.

⁸Buri ɓa agula te sawa wara maini afu nɵa; sa paŋ a fuɗaŋa paŋ.

⁹Gdaŋ wara kai, mu vada edi marwai, mu nuuma buri gir na wiiɗi agula.

¹⁰EPIƊ-ƊAI, diriŋa paŋ ku sɗaŋ, gir n’aŋ sa ɗa, ku sɗaŋ lai.

¹¹Agula te daba wara gib gib, gdaŋŋa a vada edi; ara paŋ a bunda a tala pɗem kir kai.

¹²Marmakaiya gaiɗi mara na mi piyi ktai ɗa, e tiki warɗi edi sa par, buri wuruk na sa ɗa, zagalakaiya ɗe, e ɗiyisi edi sa par gaigai lai.

¹³Nagai n’e piyi aŋ fiɗiŋ ɗa, e gini azawɗi wuza, nagai n’e firyi pingirŋa, e miɗi seŋ na pɗem mada kai. E yivi aŋ miɗi seŋ z'eles mada ɵa.

¹⁴Amma ta ɗa, mu taka ɵima tek maini ɗif na ganiŋ nɵa, mu umuɗa seŋ kai maini ɗif na ɓurtum nɵa.

¹⁵Mu za sa maini ɗif n’a na ɵina kai, na mini a waya seŋ kaalai nɵa.

¹⁶EPIƊ-ƊAI, mu baiya na ɗa tuku, aga ku waya seŋ ku tuku, EPIƊ-ƊAI, Alaw wiya.

¹⁷Buri mu firya ɓa, won hlai na mu za tuwur li ɗa, e firyi pa kaalai, e rɗi amai mada kaalai.

¹⁸Paŋ ktai, mu kɵa na ɗa a kɵi azumai, girŋa ɗe, a zi vidi kaalai.

¹⁹Mu muɗa edi midini meefeŋŋa, hunai a yimaŋa buri tuwurŋa.

²⁰Gawŋa e ɗi ɗai na karɗi, zi spak lai nagai n’e dirirŋa kai, pin wala ktai kaalai ɗa e ɗa viya,

²¹nagai n’e ziŋa meefeŋ midini pɗem na mu ziŋɗi, e pisi ara buri pɗem na mu na zaŋ ɗa.

²²EPIƊ-ƊAI, ku hinaŋa edi kai, Alaw wiya ku yima warku edi sa kai.

²³Halasi witaw! Zina pa ta! EPIƊ-ƊAI, tuku na ku kurɗaŋa.