Read Mousgoum Yama na wiini David 4 Bible Online

Yama na wiini David 4 - Mousgoum bible

Yama na wiini David 4

¹Yama na wiini David, n’a tikaŋsi warni maktuɓ zi yama na wiini abai na midini yama par, n’a zina gaini adill zi sogom.

²Won hlai na mu ɗuula suku, wayaŋa seŋ, Alaw na ku siŋka jreŋa edi, War girŋa par ku bulaŋa baŋa sa, za barka, ɵina siiwiŋa.

³Tiki ɗai ɗa, siki aŋ miisiti abaiŋa ɵa haa kaswata ɗa? Siki aŋ piyi wazagai n’a navaka kai ɵa haa kaswata ɗa? Aŋ luwi pini eles ɵa haa kaswata ɗa? Sela

⁴Ki yimiŋ miɗiki pɗem ɓa EPIƊ-ƊAI a sɗa ɗifni na jre ɗa ya, Won hlai na mu ɗuula sini ɗa, EPIƊ-ƊAI a ɵina ma.

⁵Na ɓa ki zi hiy li ɗa, ki sirɓiŋ edi aŋ tuwur kai, duvuk midini walaki zi feŋ, ki hiini li haa ɗa, ki hiniŋ ta, ki tiɓi pini kai. Sela

⁶Zi ɗa a ɓaka n’Alaw a firiyaŋ siki par ɗa, Ɗiyi yimiki midini EPIƊ-ƊAI lai.

⁷Ɗai viya e zilbi siɗi ɓa: N'aga a siyi ɵeɗ asiya kiɗi ɗa? EPIƊ-ƊAI hina gaglaiku a ŋala midiyi.

⁸War sarti na wiini hiɗi ɗa, ɗai e ɗa war firiyi, algamaɗi ɗa, vrakaiɗi a kiɗaŋ kai, viŋɗi ɗe wala n’e miŋ woni aŋ kaalai, amma, tuku ku vaŋa gaini firiyi a suwa hanɗa pra.

⁹Mu fana li azumai tar ɗa a weseŋŋa tar, hûwyi sa kai, ku saŋa simni na ɵeɗ ɗa, ku tuku EPIƊ-ƊAI ktai.