Read Mousgoum Yama na wiini David 42 Bible Online

Yama na wiini David 42 - Mousgoum bible

Yama na wiini David 42

¹Yama na wiini David n’a tikaŋsi war maktuɓ na wiiɗi alini Kore par.

²Alaw wiya, suŋfaɗi agula a na piyuku, maiɗi biryimi na te paya yem gaini kurfuk nɵa.

³Sai te na zaŋa burini Alaw, burini Alaw na karni, aga mu hala mu ɗiya wuzani Alaw na ɗa kaswata ɗa?

⁴Tûwiŋa a bunda aŋ wala zi simi na wiya girvudi gaini duvuk paŋ, paŋ ktai e zilbiŋa ma meefeŋ paŋ ɓa Alaw na wiiku aŋ wa ta ɗa?

⁵Wala na mada a kɵa li gaini a fuɗaŋa sa ɗa, won hlai na mu tala sa ɗa a hanɗa: Avut par ɗa, mu naka mu ɵa wuzaɗi ɗai muta haa amlai war dalamni Alaw ta, arbani leŋi leŋi gaini sura zi zini tese, na wiini vokɗi ɗai n’e ɗa war firiyi.

⁶Sunfaɗi agula, ku kaya, ku nuuma amlai wara ɵa buri maɗa? Baiya tini Alaw, aga mu sini kol pra, buri pili n’a plaŋa edi.

⁷Alaw wiya gdaŋ wara kir kai, mada a kɵa gaiku midini afti na Yurdan par, midini huwuŋ Hermon par, midini huwuŋ Mit-Seyar par na ɗa buri hanɗa.

⁸Ku hina yem n’abakai a sura, mayaw a ɵiɓa amai, a tapasi marni haa, a ma amai mada ɗaw, mu rɓa marwai.

⁹Givudi ɗa, a zuva ɓa EPIƊ-ƊAI a hinasi pɗemni mada, duvuk ɗa, a zuva ɓa mu kolaŋ gaini yama, hanɗa a siiwa na wiya sini Alaw n’a saŋa suŋfa ɗa.

¹⁰Mu muɗa sini Alaw ɓa: "Huwuŋ" muduku a wula gaya nɵa buri maɗa? Ku hinaŋa blaŋ ara a yima amai kai aŋ sɗa gir tiɗi gawŋa buri maɗa?

¹¹Paŋ ktai, keɵkeŋa a gzila duk duk, gawŋa e yivi aŋ tirkiŋa ɵa, e zilbiŋa mefeŋ paŋ ɓa: Alaw na wiiku aŋ wata pra?

¹²Sunfaɗi agula, ku kaya, ku nuuma amlai wara ɵa buri maɗa, baiya tini Alaw, aga mu sini kol pra buri pili n’a plaŋa edi.