Read Mousgoum Yama na wiini David 44 Bible Online

Yama na wiini David 44 - Mousgoum bible

Yama na wiini David 44

¹Yama na wiini David n’a tikaŋsi warni maktuɓ na wiiɗi alini kore par.

²Alaw wiyi, tiyi mi ɵini gaini ɵimayi, tamaiyi e miɗiyi gaini sda n’abakai na ku zaŋ war mefeŋ na wiiɗi, war mefeŋ n’avut ɗa.

³kapai e nivi baŋa aŋ simni azumai ɗa, ku birkiɗi pini zibaɗi ɗai edi wuzaɗi, kapai aftiɗi a riya edi ɗa, ku fiɗiɗi ɗai edi wuzaɗi lai.

⁴Buri ɓa e tiki afti ɗa gaini kaɵkar na wiiɗi kai, e rɗi amai gaini gdaŋ na wiiɗi kaalai; Amma a spak na wiiku, a gdaŋ na wiiku, a pɗem na wiiku na ku zaŋ siɗi, buri ɓa ku diriɗi.

⁵Alaw wiya paiŋa ku tuku, sa pili n’edi wiiɗi pinzibani Yakob,

⁶gaiku tuku ɗa, mi ɵiŋkiɗi gawyi azumai, gaiku tuku ɗa, mi siriɗi nagai n’e fiki amai siyi ɗa edi.

⁷Buri ɓa mu pɵa midini taŋ na wiya ɗa kai, a kurɗaŋa ɗa a kaɵkarŋa kaalai.

⁸Ku kurɗiyi tiɗi gawyi par ku tuku, na e fiki amai siyi, ku duguɗi gaini siyer ku tuku lai.

⁹Mi firiyi burini EPIƊ-ƊAI kûreɗ-kûreɗ, mi kuluku gaini yama mefeŋ paŋ, Sela

¹⁰Gaini hanɗa paŋ ɗa, ku hiniyi edi mak, ku hiniyi war siyer, ku hala edi mini hatam gaiɗi askaraiyi kir kai,

¹¹Gawyi e yivi midiyi aŋ birgiyi ɵa, nagai n’e fiki amai siyi e virmi wazagaiyi maini n’e diri nɵa.

¹²Ki siyi war tiɗi aŋ limi maini adumai nɵa, ku ɵiriyi edi arbaɗi pini zibaɗi ɗai.

¹³Ku sikiliɗi ɗaiku edi butu kadai, a nufuku war wala ktai kaalai.

¹⁴Ku hiniyi mini tirki na wiiɗi nagai na ɵemaii, mini miisi gaini yewere na wiiɗi nagai n’e guniyi azumai.

¹⁵Ku hiniyi yaw, ɗai e ɵi yama piyi, ɗai e gigizi midiɗi piyi arbaɗi ɗai.

¹⁶Mefeŋ mu sɗa wala na mu zaŋ ɗa kai, ara a yima amai tini siyer ɗa kai.

¹⁷Slima gaini kitiŋi tini tirki gaini miisi, gawŋa e piyi futi aŋ zina meefeŋ lai.

¹⁸Hanɗa paŋ a za siyi, amma tiyi midiyi a wula gaiku kai, mi pili miyi gaini bonu na ku zaŋ gaiyi ɗa kaalai.

¹⁹Hiiniyi a waya asakal kai, eziyi a sirɓa edi warɗi futiku par kaalai.

²⁰Paŋ ktai ku kirpiyi edi warni basga na kaɗataŋ, ku hina sezeni mri a duguyi azumai.

²¹Na ɓa midiyi a wula a wili gaini Alaw na wiyi ɗa, na ɓa mi piyi a piyi zinai tini Alaw zamai par ɗa,

²²a na ta ɗa, tuku Alaw ku sɗaŋ kai ɗi. Tuku na ku sɗa wala zi ŋoyai na warɗi agul ɗa.

²³Amma e fiɗiyi mefeŋ paŋ na ɗa buriyi tuku, e tiliyi maini adumai n’e kiŋ aŋ fiɗi nɵa.

²⁴Fakasi amai fak kai ɗi EPIƊ-ƊAI, ku kala weseŋ ɵa ɗa buri maɗa? Fakasi amai fak, ku hiniyi edi gamai kai.

²⁵Ku bunda arku edi siyi par nɵa buri maɗa? Muduku a wula gaini giryi gaini gir na ɗai e ɗa ziŋyi lai buri maɗa?

²⁶Buri ɓa mi ɗa bibili arni alogodo, waryi gaini pi azumai arni afti dug dug.

²⁷Fakasi amai aŋ liwiyi ɗuwal, piliyi edi burini pɗemku.