Read Mousgoum Yama na wiini David 46 Bible Online

Yama na wiini David 46 - Mousgoum bible

Yama na wiini David 46

¹Yama na wiini vok na wiini Kore, n’e tikiŋsi war maktuɓ zi yama na wiini abai na midini yama par, n’e ziniŋ gaini wazagai n’e zini yama gaini.

²Alaw a hlai zi ŋoyai na wiimu, a gaŋ na wiimu lai, a zinai na wiimu war gir paŋ.

³Buri nɵa hunai pumu kai, koo ɓa afti a jiriya, koo ɓa huwaŋai a muguza arni yem-ra n’abai, koo ɓa mayaw a ɵiɓa amai a muguza huwaŋai tekeɗeɗi Sela

⁴Koo ɓa yem a suura, a ha meɵeɵeɓe amai ɓa mayaw a ɵiɓa amai a muguza huwaŋai, Sela

⁵Yem-ra ktai a na, na araikaini a sa firyi wiini fuŋ n’abai na wiini Alaw, hlai na sɗik n’Alaw n’Amai a sumna warni ɗa.

⁶Alaw a na war fuŋ n’abai hanɗa, fuŋ n’abai hanɗa aga a muguza kai, gorof na hlai a sɗasi edi ɗa, Alaw a zina piɗi tar.

⁷Ɗai e zizini siɗi mini hatam, aftiɗi paakai a muguza, amma Alaw a ɓara li ɗa, afti a hiliya.

⁸EPIƊ-ƊAI zi Spak ɗa aŋ gaimu, Alaw na wiini Yakob a hai zi ŋoyai na wiimu. Sela.

⁹Hilisi, tili sdani EPIƊ-ƊAI tili wazagai n’a tuuraŋ edi midini afti.

¹⁰A vada gaw na midini afti paŋ edi, a haɗa taŋ edi, a duŋva kawakai a ya saret zi gaw.

¹¹EPIƊ-ƊAI a muɗa: Ki ɗiyi nɵa ta, siɗi ɓa ta m’Alaw, mu ŋa midiɗi ɗai, mu ŋa midini afti lai.

¹²EPIƊ-ƊAI zi Spak paŋ ɗa aŋ gaimu, Alaw na wiini Yakob a hlai zi ŋoyai na wiimu.