Read Mousgoum Yama na wiini David 47 Bible Online

Yama na wiini David 47 - Mousgoum bible

Yama na wiini David 47

¹Yama na wiini vok na wiini Kore, n’e tikiŋsi war maktuɓ zi yama na wiini abai na midini yama par.

²Tiki ɗai paŋ, ɵiɓi tiki, ɵiɓi tiki pini Alaw gaini suura zi firyi,

³Buri Epiɗ-ɗai Alaw n’Amai ɗa sabab gara, a pai n’abai na midini afti paŋ.

⁴A sumu rɗi n’amai midiɗi ɗai, a mula ɗai azumai pini azumu.

⁵A vara afti zi bulum na wiimu, a wala n’a sumu firyi wiimu tumu pinzibani Yakob na ni a daraŋ gara ɗa.

⁶Alaw a na hala amai warni tempel arbani suura zi firyi, EPIƊ-ƊAI a na hala arbani suurani faana.

⁷Kûli Alaw gaini yama, kûliŋ, Kûli paimu gaini yama, kûliŋ lai.

⁸Buri ɓa a pai na midini afti paŋ, kûliŋ gaini yama na zuva gara.

⁹Alaw a pai n’a ŋa midiɗi ɗai paŋ, Alaw aŋ midiɗi paramaini zi pai na sɗik.

¹⁰N'abakai na wuzaɗi ɗai e tipi gaiɗi ɗai na wiini Alaw na wiini Abraham, buri ɓa paakai na midini afti ɗa, e ɗa pini Alaw, Ni a na amai midiɗi paŋ.