Read Mousgoum Yama na wiini David 48 Bible Online

Yama na wiini David 48 - Mousgoum bible

Yama na wiini David 48

¹Yama na wiini David, n’a tikaŋi war yama na wiini vok na wiini Kore par.

²EPIƊ-ƊAI a abai, kol paŋ a kiɗa a sa sini, war fuŋ n’abai na sɗik na wiini, amai midiɗi huwuŋ na wiini na sɗik lai.

³Huwuŋ Siyon, fuŋ n’abai na wiini pai n’abai, na te na edi merfeŋni hlai n’azumai sek ɗa, huwuŋi na juvi na te sa firyi wiini afti paŋ.

⁴Aha arbani fuŋ na pɗamai na war Siyon par ɗa, e tili Alaw arɗi maini ɵaga zi ŋoyai nɵa.

⁵Paakai e kiti miɗi, e hilisi piɗi marɗi aŋ hitimiti Siyon.

⁶Arɗi yaw gaini EPIƊ-ƊAI ɗa, e miliŋi, hunai te yimiɗi, e rûvi lai.

⁷Won hlai ni dama, hunai te yimiɗi, maini ŋiiba na yimiti muni na te poko nɵa.

⁸Maini berber na gdaŋ na piɗi futi na dawai par, n’a kukuta hulamai n’abakai na Tarsis ɗa nɵa.

⁹Na mi ɵiniŋ ɗa, mi tiliŋ gaini aryi ya, war fuŋ n’abai na wiini EPIƊ-ƊAI zi Spak paŋ, war fuŋ n’abai na wiini Alaw na wiyi. Alaw aga a ɗiya fuŋ hanɗa gdaŋ, haa hlai n’a vada kai. Sela.

¹⁰Alaw a wiyi, tiyi mi ɗa hiini midini pɗemku, na ku zaŋ amlai war Tempelku ɗa.

¹¹Alaw wiyi, kol na suku a wa edi midini afti paŋ, maini yikuku nɵa, tuku na wus te va gaini jre.

¹²Ɗai na midiɗi huwuŋ Siyon ɗa e firyi, ɗai na war fuŋ n’abakai na Yuda ɗa, e firyi abai gara, buriɗi sariya na ku ziti ɗa.

¹³Hili, gûniti Siyon ɗa azumai, Piɵi hlai zi gɗam n’aŋ siɗi ɗa.

¹⁴Tili ɵaga na siɗi gai futini, ziziri dalamaiɗi na pɗamai ɗa lai; kapai ki virniŋɗi wiiɗi aliki na dawai sek ɗa.

¹⁵Alaw hanɗa a Alaw na wiimu ɵa gamai, haa kureɗ, a ɵa wuzamu ɵa haa sin mrimu.