Read Mousgoum Yama na wiini David 5 Bible Online

Yama na wiini David 5 - Mousgoum bible

Yama na wiini David 5

¹Yama na wiini David n’a tikaŋsi war maktuɓ zi yama na wiini abai na midini yama par n’a zina gaini algaita.

²EPIƊ-ƊAI, zaga ɵimaku ma zak, tala nûûmi na mu na nuuma ɗa.

³Alaw wiya, pai na wiya, Won hlai na mu ɗuula suku ɵina ma, EPIƊ-ƊAI, mu siiwuku na ku tuku.

⁴EPIƊ-ƊAI gorof paŋ ɗa, ku na ɵina wula, gorof paŋ mu zizina sa aŋ nava gaiku ɵa, mu baiya ɵa.

⁵Tuku k’Alaw n’a firiya meefeŋ ɗa kai, ɗif na meefeŋ ɗa ku yimaŋ suku kai.

⁶Nagai n’e kûli siɗi ɗa, e kiɗi e ɗiyi wuzani arku kai, nagai n’e zi meefeŋ ɗa, tuku ku diriɗi kai.

⁷N'e zi eles ɗa ku fiɗiɗi edi, EPIƊ-ƊAI, tuku ku firiya ɗif zi ɵiɓi belek gaini zi rhai ɗa kai.

⁸Amma ta ɗa, pini pɗemku ɗa, mu kiɗa mu halaɗi haa amlai warni dalam na wiiku, mu kiɗa mu hurga azumai wuzani Tempelku na sɗik gaini hormo n’a zuva suku.

⁹EPIƊ-ƊAI, ɵa wuza war jreku, buriɗi nagai n’e ɗa siɓikiŋa, ziziniti futiku wuza.

¹⁰Wala ktai na jre war miɗi par kai, agulɗi a va gaini meefeŋ, gurɗokɗi ɗa a waŋ n’a va kai, alsiɗi ɗe zibeeta.

¹¹Alaw EPIƊ-ƊAI, siŋkiɗi meefeŋɗi ɗa, wala n’e rgiŋ warɗi ɗa a biɗi edi, birgiɗi edi burini meefeŋɗi n’e ziŋ paŋ ɗa, buri e fiki amai suku.

¹²Amma nagai paŋ n’e ŋûyi suku ɗa e vi gaini firiyi, simni na wiiɗi nagai kureɗ a firiyi, buri simni na wiiɗi nagai kureɗ a firiyi, buri ɓa aga ku giɗimiɗi. Nagai n’e firiyi yikuku ɗa aga e didimi kureɗ.

¹³Buri ɓa tuku EPIƊ-ƊAI, ku ɓikiɗi nagai na jrekai ɗa, pɗemku a gûniɗi azumai maini gamar n’abai nɵa.