Read Mousgoum Yama na wiini David 50 Bible Online

Yama na wiini David 50 - Mousgoum bible

Yama na wiini David 50

¹Yama na wiini Asaf. Alaw, Alaw, EPIƊ-ƊAI a na muɗa, a na yika ɗai na midiɗi yai ɗa paŋ, piɗi futi na dawai par haa piɗi futi na koskoi

²War Siyon na juvi gara par, Alaw a niyasi edi warɗ abaini.

³Alaw na wiimu a na halasi, a doogo mini kai afu zi yi wazagai aŋ wuzani berber na gdaŋ a gunaŋ azumai lai.

⁴A na yika hlai n’amai gaini afti lai, aŋ zaida, buri a dara a ziti sariya wiiɗi ɗaini.

⁵Tipiɗiŋasi ɗai na wiya, n’e zi bonu gaya war zini ɓaka

⁶hlai n’amai ɗ'aga a muɗa jreni edi, buri ɓ'aga a ɗûkliti sariya na wiini ɗa a Alaw. Sela.

⁷Slini pɗem, tiki ɗaiŋa, mu dara mu muɗa seŋ, Izrayel, mu dara mu miɗiki midini meefeŋki, Ta, m’Alaw, m’Alaw na wiiki.

⁸Mu muɗa siki na ɗa buini ɓaka na ki ziŋ ɗa kai, Ɓakaki zi yi ɗa, aŋ wuzani ara kureɗ.

⁹Mu kiɗa mu yim gari ktai maa ahaki par kai, mu yima haakai na maɵagai war faraki par kaalai.

¹⁰Buri ɓa wazagai n’ezini puɗu puɗu n’edi arni jur ɗa paŋ a wiya, wazagai n’ezini puɗu puɗu n’amai midini huwuŋ, na dubu dubu.

¹¹Wazagai zi ɗufli n’amai sini huwuŋ paŋ mu sɗaŋ paŋ, wala paŋ n’a muguza edi warni basga ɗa a wiya paŋ.

¹²Wiyamai te nafu ma ta ɗa, mu zilbikifu ki ɗi tiki kai, buri ɓa duniya gaini wazagai na warɗi paŋ a wiya.

¹³Mu lima ɗa a neŋni garakai tetew, mu ca ɗa a felni haakai na maɵagai tetew.

¹⁴Ki sini aŋ ɓaka wiini Alaw a zini tese, ɵinini-ha na ki ziŋ li wiini Alaw n’amai ɗa ki vin amai lai.

¹⁵Nɵa ki tuwi sa war mefeŋ zi gir: Aga mu piliki edi, ki siŋa kol lai.

¹⁶Amma wiini ɗif na meefeŋ ɗa Alaw a miɗini maini nɵa: " Ku pɵa gadai na wiya gaini muku, ku muɗa, midini bonu na wiya gaini muku lai buri maɗa?

¹⁷Buri tuku ku yima gadai na mu suŋku kai, seŋ na mu muɗuŋku li ɗa, ku pokoŋ duɓaku sek.

¹⁸Ku tala ɗif zi mihill li ɗa, ku tapa gaini, bonuku gaiɗi na maɵarakai ɗa,

¹⁹muku arni meefeŋ ɵa tiɓ, alsiku te girɗa seŋ z'eles gre ɗe ɗe.

²⁰Ku sumna li dam ɗa, ku muɗa meefeŋ sini tawalku, ku miisa aruwaiɗi amuku ɗa.

²¹Ha anɗa a wala na ku zaŋ ɗa. Mu muɗuku kai, ku hiina warku ɓa m’an na maiku ɵa, amma girna mu firiya mu muɗuku, mu suŋkuku meefeŋku paŋ edi wuzani arku lai".

²²Tiki na miɗiki a wula gaini Alaw ɗa, ɵini seŋ na mu na miɗiŋki na ɗa pɗem! Sla kai ɗa aga mu ɓisiki edi, ɗif ktai n’a piliki edi warni ta par aŋ kai.

²³Ni n’a saŋa aŋ ɓaka a zini tese ɗa, a saŋa ɗa a kol, ni n’a giɗima payaini pɗem ɗa, aga mu siŋkini ɓa mu kurɗaŋ ɗa muta.