Read Mousgoum Yama na wiini David 51 Bible Online

Yama na wiini David 51 - Mousgoum bible

Yama na wiini David 51

¹Yama na wiini David n’a tikaŋsi warni maktuɓ n’abai na wiini abai na midini yama par

²Won hlai na ɗif na mini Alaw Natan a halasi sini asakal na David a fana gaiɗi Betsabe na muni Uriya.

³David a siiwa a muɗa: Alaw wiya, hiina haw buriya, buri pɗemku, pini yumku n’abai ɗa haza tuwurŋa edi haz.

⁴Ma meefeŋŋa edi silak, zaŋa edi hilu warni tuwurŋa par.

⁵Buri mu sɗa meefeŋŋa ya, tuwurŋa aŋ wuzani ara kureɗ.

⁶Mu za tuwur suku tuku kiiku ktai, wala n’a tala arku pɗem kai ɗa mu zaŋ, nɵa miɗi n’aga mu muɗaŋ paŋ ɗa, wiiku a jre. Sariya na ku ziti meefeŋ warɗi kai.

⁷Tala mu wa war meefeŋ, ama te tika felŋa war tuwur.

⁸Amma tuku ku paya ɗa a jre n’amlai warɗi agul, nɵa, saŋa yel warɗi agula.

⁹Tika tuwurŋa edi gaini luwuŋ Izop, kapai mu bunda hilu. Maŋa edi muɗukwi tal a suwa fiyaw.

¹⁰Muɗa ɵima ɓa ku saŋa ni ya kapai mu va gaini firiyi, kapai keɵkeŋa n’a kirpa lai firiyi n’abai a yimaŋ.

¹¹Bunda arku edi sini tuwurŋa par pla, haza meefeŋŋa edi haz.

¹²Alaw wiya, rgitiŋa agul na hilu wara, saŋa seze na jre wara lai.

¹³Ku birgaŋa edi wuzani arku par kai, ku yima sezeku na sɗik edi sa par kai.

¹⁴Saŋa firiyi buri kûri na ku koraŋa, saŋa seze zi melke kapai a zina pa.

¹⁵Aga mu siŋkiɗi futiku wiiɗi nagai n’e fiki amai suku, na tuwarai aga e wiyisi suku,

¹⁶Alaw, Alaw na ku kurɗaŋa, plaŋa edi tiɗi ɗai zi virgi belek ɗa par, kapai ma a muɗa edi midini jre na wiiku.

¹⁷EPIƊ-ƊAI, malaŋa ma amai, kapai mu kuluku gaini yama.

¹⁸Buri ɓa mu firiya ɓaka ɗa kai, mu firiyaŋ a firiyi ɗa aga mu zuŋku, ku firiya ɓaka zi yi ɗa kaalai.

¹⁹Ɓaka n’Alaw a daraŋ ɗa, a seze zi hûsi, t'agul zi hûsi zi hiɗi lai. Alaw wiya, agul na ɵa ɗa ku firiyiti te na ɗa.

²⁰Pin yumku ɗa, ku za pɗem siɗi Siyon ta, rga ɵaga na siɗi Yeruzalem ɗa amai pra.

²¹Nɵa aga ku firiya ɓaka n’a za war jre ɗa, ɓaka zi yi gaini ɓaka na gaini alini seyem ɗa lai. Kapai asakal par ɗai e zi ɓaka gaini garakai midini gûwiŋ zi ɓaka na wiiku lai.