Read Mousgoum Yama na wiini David 53 Bible Online

Yama na wiini David 53 - Mousgoum bible

Yama na wiini David 53

¹Hitri na wiini David n’a tikaŋsi warni maktuɓ zi yama na wiini abai na midini yama par, n’e ziniŋ gaini algaita.

²Na tatalakai e hiini warɗi ɓa, Alaw nɵa aŋ kai, e wili edi warɗi futi ɗa par, e zi wazagai na hahar na woɗi futini kai, ktai n’a za pɗem nɵa aŋ kai.

³Amai warni hlai n’amai par, Alaw a mulasi arni azumai midiɗi ɗai, aŋ paya ɗif ktai zi yel, ɗif ktai n’a na paya Alaw,

⁴gaini hlaiɗi paŋ e sili edi warɗi futi ɗa par, paŋ e tûri edi, ktai n’a za wala na pɗem aŋ kai, ktai maa aŋ kai.

⁵Ɗai n’e zi meefeŋ na ɗa e siɗi wala kai ɗi, nagai n’e limiɗi ɗaiŋa maini n’e limi peŋ ɵa, e yiki yikini Alaw miɗi kaalai na ɗa?

⁶Pini hanɗa, hunai n’abai aga a yimiɗi, pini wala ktai ta zi mili hunai kaalai, Alaw aga a ɵara keɵkeɗi nagain’e pi kaŋɗi miki aŋ hitimiki ɗa edi, aga ki tikiɗi siyer, buri ɓa Alaw a hiniɗi edi mak.

⁷Aaya, n’aga a halasi a Siyon par aŋ kûrɗiɗi Izrayel edi na ɗa asiya kiɗiɗi! Won hlai n’Alaw a wiyiɗisi ɗaini n’e ɗisi ka edi war bege aha li ɗa, pinzibani Yakob ɗa aga e firiyi gara. Izrayel aga te firiya.