Read Mousgoum Yama na wiini David 54 Bible Online

Yama na wiini David 54 - Mousgoum bible

Yama na wiini David 54

¹Hitri na wiini David n’a tikaŋsi war maktuɓ na wiini abai na midini yama par, n’a zina gaini adill zi sogom

²Won hlai na ɗai na Zif e hilisi e miɗini wiini wul ɓa: David a ŋoyasi aŋsi ahaɗi.

³Alaw wiya, piɗi abaiku kurɗaŋa edi kruɗ, pini spakku, siŋkiti jreŋ a edi lai.

⁴Alaw wiya, ɵina siiwaŋa, zaga ɵimaku mini seŋ na maa par lai.

⁵Ɗai n’e zili siɗi amai e fikisi amai sa, ɗai na karasai e firiyi e bi suŋfaŋa. Jaaɗi gaini Alaw kai. Se la

⁶Amma Alaw a zinai na wiya, EPIƊ-ƊAI aŋ gaiɗi nagai n’e zini pa,

⁷aga a hinasi gir midiɗi nagai n’e ɗa tiki futi pa ɗa, pini jreku ɗa, vidiɗi edi marwai.

⁸Aga mu zuku ɓaka gaini agula paŋ, aga mu kuluku EPIƊ-ƊAI buri ku pɗem.

⁹Buri ku plaŋa edi mini gir paŋ par, mu tala gir n’a za siɗi gawŋa mu firiya piɗi lai.