Read Mousgoum Yama na wiini David 56 Bible Online

Yama na wiini David 56 - Mousgoum bible

Yama na wiini David 56

¹Hitri na wiini David n’a tikaŋs war maktuɓ na wiini abai na midini yama par, n’a zina gaini wule n’e yikiŋ ɓa "dere na tin luwuŋ Terebente na gaigai". Won hlai na Filistrekai e yimiŋ a Gat. David a muɗa:

²Alaw wiya, zina pa ta, ɗai e ɗa hiɵiŋa, mefeŋ paŋ e ɗa hitimiŋa, e ɗa ziŋa gir.

³Nagai n’e ɗa tiki futi pa, e ɗa hiɵiŋa mefeŋ paŋ e suwi viya gara, nagai n’e hitimiŋa ɗa, Alaw n’Amai.

⁴Won hlai na hunai te yimaŋa li, ta mu baiya tuku.

⁵Gaini Alaw ɗa, mu kola seŋni n’a muɗaŋ ɗa, mu baiya ɗa tini Alaw, hunai pa kir kai. Ɗif murɗek a za sa ɗa a ma ɗa?

⁶Mefeŋ paŋ e kiyiŋa mada gaini seŋ zi miɗi e hiini buriya ɗa a wazagai na maafanai.

⁷E kiti miɗi, e mili arɗi aza e tili hiliŋa gaini wiyiŋasi, buri ɓa e firyi e fiɗiŋa.

⁸Buri meefeŋɗi ɗa, hiniɗi e pulti edi kai, war hiyku ɗa, Alaw wiya, vidiɗi ɗai hanɗa edi.

⁹Giliŋiŋa na mu giliŋa blaŋ blaŋ na ɗa, ku sɗa pɵani ya, yima tuwi n’ara warɗi argini na wiiku. Wazagai hanɗa aŋ gaini ɗû war maktuɓ n wiiku kai ɗi?

¹⁰Nɵa gawŋa aga e wiyi duɓaɗi, won hlai na mu na yikuku ɗa, mu sɗa ɓa Alaw a wiya.

¹¹Gaini Alaw ɗa, mu kola seŋni n’a muɗaŋ ɗa, Gaini EPIƊ-ƊAI, mu kola seŋni n’a muɗaŋ ɗa.

¹²Mu baiya ɗa tini Alaw hunai pa kir kai. Ɗif murɗek a za sa ɗa a ma ɗa?

¹³Alaw wiya, ha na mu zuŋku ɗa aŋ mada, aga mu vaŋ amai gaini ɓaka zi zini tese.

¹⁴Buri ɓa ku plaŋsi edi min mri par, tuku ku hinaŋa aŋ kɵa kai na ɗa, ɓa kapai mu paya wuzani arku war gaglai, na wiiɗi na karɗi.