Read Mousgoum Yama na wiini David 57 Bible Online

Yama na wiini David 57 - Mousgoum bible

Yama na wiini David 57

¹Hirtri na wiini David n’a tikaŋsi war maktuɓ n wiini abai na midini yama par, n’e yikiŋ ɓa " Ku tuuraŋ edi kai". Won hli na David a pra edi aŋ ŋoya war waŋ na siɗi huwuŋ wuzani Sawl. David a muɗa:

²Zina pa ta, Alaw wiya, zina pa ta. Mu ŋoya na ɗa suku, mu ŋoya na ɗa pin graŋku haa girŋa paŋ a daba.

³Mu siiwa Alaw n’amai ɗa, Alaw n’a kiɗa a za paŋ buriya.

⁴Alaw aga a ɵinasi zinaini n’a kurɗaŋa ɗa amai par aga a tikini siyer wiini ni n’a na tika futi pa, n’a na haɵaŋa ɗa. Sela. A siŋaka pɗemni gaini jreni edi lai

⁵M'an na arbaɗi ɗai na maswarai maini gurnai, na luma ɗai murɗakai nɵa. Sesiyeŋ na miɗi ɗa, a na maini kawai gaini ɓaraw nɵa, alesi na miɗi ɗa, te suma maini kaskar ɵa.

⁶Alaw wiya, hiniti abaiku te suwa hlai n’amai te ŋa midiɗi yai paŋ lai.

⁷E giŋi aza war futi n’aza, kapai a ɵirba amai wula, E ɓili waŋ azuai aza, amma e kɵi warni e ɗi nagai dama.

⁸Agula a ɓara kai, Alaw wiya, agula a ɓara kai zaŋ. Aga mu zina yama, aga mu zina yama gaini wazagai zi zini yama buriku.

⁹Faka amai, kol na wiya! Fiki amai adill gaini gaŋgraŋ Mu firya mu ɵiya hlai na rum rum amai.

¹⁰Aga mu kuluku arbaɗi ɗai, EPIƊ-ƊAI Aga mu kuluku gaini yama arbaɗi pinzibaɗi ɗai.

¹¹Pɗemku a na haa amai war hlai n’amai Jreku ɗa, haa amai sin ɗugul ta.

¹²Alaw wiya, hiniti abaiku te suwa hlai n’amai te ŋa midini afti paŋ lai.