Read Mousgoum Yama na wiini David 58 Bible Online

Yama na wiini David 58 - Mousgoum bible

Yama na wiini David 58

¹Hitri na wiini David n’a tikaŋsi war maktuɓ na wiini abai na midini yama par, n’e yikiŋ ɓa: "Ku tuuraŋ edi kai".

²Tiki ɗai murɗakai ki miɗi kai na ɗa, ki hiini ɓa ki zi na ɗa a jre ɗa kiɗi ɗi? Ki ziti na ɗa te sariya na war jre kiɗi ɗi?

³Zaw kai, tiki ki hiini warɗi agulki a sda na maafanai, tiki te kara ɗai na midini afti ɗa lai.

⁴Ɗai na maafanai ɗa, e sili edi war gutɗi tamaiɗi par, z'alasakai ɗa e wuli edi won hlai n’e niyisi edi warɗi tamaiɗi par lai.

⁵Masnaw na miɗi maini na wiini wala meefeŋ nɵa. Maini masnaw na wiiɗi makai na giniŋi, na te tika ɵimaɗi tek,

⁶na te ɵina min ɗif zi hiila ɗa kai, mini ɗif zi hiila n’abai n’a suwa paŋ ɗa kaalai.

⁷Alaw wiya, haɗa sesiyeŋɗi amlai miɗi, EPIƊ-ƊAI, kirpa galaini ali gurnai hanɗa

⁸A zuva ɓa, e vidi edi maini yem n’a yima edi nɵa a zuva ɓa e ɓiɗi gaini ɓaraw, e bindi hoyekai

⁹A zuva ɓa e bindi maini ɵine na warni ahurlum na futi a siitaŋ haa a mra nɵa, maini ahi n’a wasi warɗi emini par gaini mri su, n’arni a tiliti futi kai ɗa nɵa.

¹⁰Wuzani na hedek na a za aŋ kukuɓ wo hlai n’a na hirnaŋ hai, a hula kai ɗa, berber a tikaŋ ɗa nɵa.

¹¹Ɗif na jre ɗa aga a firya, won hlai n’a tala Alaw a faka amai a vurga meefeŋ na wiiɗi na maafanai, aga a hawa arni felɗi na maafanai ɗa.

¹²Ɗai aga e miɗi ɓa: Fakat, ɗif na jre ɗikat ɗa, vrakni a na. Fakat, Alaw na ziti sariya midini afti ɗa a na lai.