Read Mousgoum Yama na wiini David 6 Bible Online

Yama na wiini David 6 - Mousgoum bible

Yama na wiini David 6

¹Yama na wiini David n’a tikaŋsi war maktuɓ zi yama na wiini abai na midini yama par, n’a zina gaini adill na sogomni mitwis.

²EPIƊ-ƊAI, ku zaŋa gir mada war hiyku kai, ku ɵiɓaŋa war suwarku kaalai.

³EPIƊ-ƊAI, ku hiina haw buriya buri gdaŋŋa a n’a vada edi, EPIƊ-ƊAI zuulaŋa zuuwal, buri keɵkeŋa a na ziriya.

⁴M'an na war hunai n’abai, EPIƊ-ƊAI, sa ɵa haa kaswata ɗa?

⁵Waiasi EPIƊ-ƊAI, pulaŋa edi su, kurɗaŋa kruɗ pini pɗemku.

⁶Buri ɓa war mri ɗa, ɗif a yika yikuku kai, war hlaiɗi ɗai zi mri ɗa, ɗfi n’a kuluku aŋ kaalai.

⁷Nûmi na mu nuuma ɗa a kaiaŋa su, duvuk duvuk paŋ ɗa, tuwi n’ara a ka sini liŋa, mu diɓa liŋa gaini tuwi n’ara.

⁸Tuwi ɗa a suma ara edi ta, ara a bunda a tala kruf kruf tiɗi gawŋa.

⁹Yimi siki edi sa par, tiki paŋ na ki zi wazagai na maafanai, buri EPIƊ-ƊAI a ɵina tûwiŋa ɗa ɓa.

¹⁰EPIƊ-ƊAI a ɵina tûwiŋa ɓa, EPIƊ-ƊAI a ɵina siiwaŋa ya.

¹¹Gawŋa paŋ ɗa, siyer gaini hunai n’abai aga a yimiɗi, aga e wiyi duɓaɗi gaini dûgûtini siyer.