Read Mousgoum Yama na wiini David 60 Bible Online

Yama na wiini David 60 - Mousgoum bible

Yama na wiini David 60

¹Hitri na wiini David n’a tikaŋsi warni maktuɓ na wiini abai na midini yama par, n’a zina gaini adill zi sogom.

²Won hlai na David a hitimiɗi ɗai na Siriya, na Mezopotamiya gaiɗi ɗai na Soba ɗa lai. Ypwaɓ askarai n’abai a hitimiɗi askarai na Edom ɗai dubu doogo pi sulu war huduk zi manta, David a muɗa:

³Alaw na wiyi, tuku ku hiniyi edi mak, ku ɵiriyi edi ɵar, gaini hiyku paŋ tekeɗeɗi ɗa, wiyiyisi warni eziyi n’avut ɗa wai kai ɗi!

⁴Tuku ku ziriya afti ɗa, ku ɓasaŋ, zizina ɓisini ɗa, buri a kiɗa a ɗiya amai kir kai.

⁵Ku ziɗi gir abai wiiɗi ɗaiku, tuku ku siyi aŋ ci ɗa a vin n’a ciina.

⁶Nagai n’e suku hormo ɗa, tuku ku ziŋiɗi, kapai e rivi wuzani ɓaraw ɗa.

⁷Kapai nagai zi diri gara na wiiku e nivi pili n’edi, kurɗiyi edi gaini spak na wiiku, wiyiyi seŋ lai.

⁸Alaw a muɗa amlai warni hlaini na sɗik maini nɵa: Rɗi n’amai ɗa a wiya, aga mu ɓurwa fuŋ n’abai na Sikem ɗa azumai, aga mu kata huduk na Sukot ɗa edi gaini sogom.

⁹Galaad a wiya, Manase a wiya, Efrayim a bogorai na mada, Yuda t'amaraŋai na mu ŋa gaiɗi.

¹⁰Mowab ɗa a wala na mu ma sa warni, mu tika aza midini afti na Edom kapai mu tikaŋ. Sini aftiɗi Filistrekai mu ɗuula ɗuwal zi gaw.

¹¹Aga a kaŋa aha war fuŋ n’abai zi ɵaga ɗa asiya ɗa? N'aga a kaŋa pa haa aha midini afti na Edom ɗa asiya ɗa?

¹²N'a kiɗa a za hanɗa ku tuku Alaw, Ku tuku na ku hiniyi edi ɗa, tuku na ku hala edi mini hatam gaiɗi askarai na wiyi kai ɗa.

¹³Halasi zina piyi buriɗi gawyi, buri zinai na wiiɗi ɗai a nafa kai.

¹⁴Gaini Alaw aga mu rɗumu amai, aga a kirpiɗi gawmu azumai ɗa A ni.