Read Mousgoum Yama na wiini David 61 Bible Online

Yama na wiini David 61 - Mousgoum bible

Yama na wiini David 61

¹Yama na wiini David n’e tikiŋsi war maktuɓ zi yama na wiini abai na midini yama par, n’e ziniŋ gaini adill zi sogom.

²Alaw wiya, ɵina tûwiŋa, zaga ɵimaku mini siiwiŋa.

³Edi war koŋni afti ktai par mu ɗuula suku, won hlai na gdaŋŋa a vada edi. Kaŋa amai midiɗi huwuŋ na muguwi gara na mu kiɗa amai midiɗi kai ɗa.

⁴Buri tuku ku hlai zi ŋoyai na wiya, ku ɵaga na gdaŋ na wuzaɗi gawŋa.

⁵Mu dara mu sumna war dalam na wiiku haa kureɗ, mu dara mu ŋoya pini graŋku. Sela

⁶Buri ɓa tuku Alaw na wiya ku sɗa wala na mu daraŋ ɗa, na ɗai n’e si hormo wiini yikuku ɗa ku siɗi wala n’e diriŋ ɗa.

⁷Ku riya mefeŋni pai ɗa amai sek sek, buzani ku riyaŋ amai lai haa sini piniziba na wuzani sek sek.

⁸A zuva ɓa pai ɗa a sumna warɗi Paramai zi pai wuzani arku haa kureɗ, Ku hina pɗemku gaini diriku a giɗimaŋ.

⁹Nɵa aga mu kuluku gaini yama kûreɗ-kûreɗ, wala na mu za ha midini aŋ zaŋ suku ɗa aga mu vaŋ amai mefeŋ mefeŋ paŋ lai.