Read Mousgoum Yama na wiini David 62 Bible Online

Yama na wiini David 62 - Mousgoum bible

Yama na wiini David 62

¹Yama na wiini David n’e tkiŋsi war maktuɓ zi yama na wiini Yedutun, abai na midini yama par.

²Mu nava simni na ɵeɗ ɗa, sai gaini Alaw ktai, pli n’edi na wiya ɗa a halasi sin par.

³Ni kiini a huwuŋ na wiya, a ni na kurɗaŋa, a hlai zi ŋoyai na wiya, mu kiɗa mu muguza kai.

⁴Siki aŋ diŋgi midini ɗif ni ktai ɵa, aŋ piyi futi aŋ fiɗiŋ edi ɵa, maini n’e diŋgi sin ɵaga na gaini jigi jak, maini ɵaga n’a dara a kɵa ɵa, ɵa haa kaswata ɗa?

⁵Aakam, ki piyi ɗa a ɵini n’azumai war sdani par, ki firyi ɗa a sŋ z'ales na ki miɗiŋ midini, miki n’amai ɗa a ɓaka, amma agulki n’amlai ɗa, te tusa. Sela.

⁶Mu nava simni na ɵeɗ ɗa, sai gaini Alaw ktai, buri ɓa bayai na pin ɵeɗ na wiya, a hlasi sini par.

⁷Ni kiini a huwuŋ na wiya, a ŋi n’a kurɗaŋa, a hlai zi ŋoyai na wiya, mu kiɗa mu muguza kai.

⁸Kûrɗi na wiya, gaini kol na wiya aŋ tini Alaw, a huwuŋ n’a giɗimaŋa, a hlai zi ŋoyai na wiya.

⁹Tiki ɗai paŋ, biyi war tini, hlai paŋ, miɗi hiiniki paŋ edi wuzani, alaw a hlai zi ŋoyai a wiimu.

¹⁰Ɗai murɗakai e ɗi agiyiŋ meere, maɵagai ɗa, a eles meere e miliɗi fu na midini kilo ɗa, gai hlaiɗi paŋ gumaɗi a kiɗa gaini gumani agiyiŋ ɗa kai.

¹¹Ki tiki hiiniki midini karai na ki kiriɗi ɗai kai, ki biyi wazagai zi vram na gaini gdaŋ kaalai, koo ɓa faraiki a riya amai tekeɗeɗi, ki rgiti agulki sini kai.

¹²Alaw muɗa ɵima azi viya ɓa: Gdaŋ a wiini Alaw.

¹³EPIƊ-ƊAI, pɗem ɗa a wiiku lai, buri tuku aga ku vurga asiya asiya paŋ pin sdani sdani.