Read Mousgoum Yama na wiini David 63 Bible Online

Yama na wiini David 63 - Mousgoum bible

Yama na wiini David 63

¹Yama na wiini David, won hlai n’a naka edi war basga na kaɗataŋ na Yuda.

²Alaw, tuku k’Alaw na wiya, mu na piyuku, mu piyuku na ɗa gaini sai ma ta.

³Mu na siika puku, maini afti na gaini siiti, na huleŋ n’a na firya yem nɵa. Mu piyukusi amlai war hlaiku na sɗik, aŋ tala spak gaini abai na wiiku,

⁴Buri ɓa pɗemku, pɗemni a suwa simni na karni na wiini ɗif. Aga mu muɗa edi midini sdaku na pɗamai.

⁵Nɵa aga mu kuluku haa sini dibini suŋfaŋa. Aga mu yima ta amai aŋ sa kol sini yikiku.

⁶Aga mu va gaini firyi maini ɗif n’a va gaini simi z'amel na pɗamai nɵa. Aga mu kuluku gaini firyi.

⁷Won hlai na mada a kɵa li gaiku midini liyŋa waŋ ɗa, mu tika hlai edi war duvuk hanɗa viya aŋ siiwa tuku.

⁸Buri tuku ku zina na wiya, mu ɗuula gaini firyi pin graŋku.

⁹Mu za bonuŋa gaiku, tuku zi spak te zina pa lai.

¹⁰Amma nagai n’e piyi aŋ wiŋa war gir ɗa, eniyi azumai pin afti n’azumai.

¹¹Aga e vidiɗi edi gaini kaɵkar, e bindi aŋ wala zi simi na wiini barka cemcem

¹²Amma pai ɗa aga a firya war Alaw, Asiya ɗi paŋ n’a ha wala mini gaini Alaw ɗa aga a va gaini firyi. Buri ɓa z'alasakai, miɗiaga a doogo.