Read Mousgoum Yama na wiini David 64 Bible Online

Yama na wiini David 64 - Mousgoum bible

Yama na wiini David 64

¹Yama na wiini David n’e tikiŋsi war maktuɓ zi yama na wiini abai na midini yama par.

²Alaw wiya, ɵina tûwiŋa won hlai na mu na nuuma, kotoŋa wuzani gawŋa n’a na mulaŋa hunai pa.

³Ñoyaŋa wuzaɗi ɗai na maafanai n’e ɗa kiti miɗi mada war ŋoyai, wuzani vok na wiiɗi ɗai n’e zi meefeŋ n’e tipi siɗi aŋ ziŋa meefeŋ.

⁴Alsiɗi te suma maini kaɵkar nɵa Seŋ n’a niyasi miɗi par ɗa a ɓula maini ɓaraw nɵa.

⁵E ŋûyi siɗi buri e ɓi ɗif na jre ɗa, e ɓiŋ ɓurgum gaini hunai kai.

⁶E kiti seŋ na maafanai war ŋoyai, e miɗi midini azaw zi gini na war ŋoyai ɗa lai, e hiini warɗi ɓa ɗif n’aga a sɗaŋ ɗa asiya ɗa.

⁷E hiini sda na maafanai e miɗi: sdamu a ɵa edi gaini futini ya, hiini n’aŋ warni ɗif ɗa a hulum gara a kiɗa a sɗaŋ ɗa asiya ɗa?

⁸Alaw a ɓiɗisi ɓurgum e siɗi ta ɗa, ɓaraw a yimiɗi li,

⁹Seŋ na maafanai n’e miɗiŋ ɗa a waya midiɗi, ɗai paŋ n’e tiliɗi li ɗa, e ziɗi yewere, e kikiyi midiɗi,

¹⁰Ɗai paŋ hunai te yimiɗi, e miɗi edi midini sda n’Alaw a zaŋ ɗa. A yima midiɗi lai.

¹¹Ɗif na jre ɗa aga a firiya war EPIƊ-ƊAI, aga a nava hlaini zi ŋoyai warni lai, nagai paŋ na agulɗi hilu ɗa aga e firiyi abai gara.