Read Mousgoum Yama na wiini David 65 Bible Online

Yama na wiini David 65 - Mousgoum bible

Yama na wiini David 65

¹Yama na wiini David n’e tikiŋsi wr maktuɓ zi yama na wiini abai na midini yama par. Yama.

²Alaw wiya, tuku na ku sumna war Yeruzalem, a zuva ɓa ɗif paŋ a suku kol, a va ɵinini-ha n’a zaŋ buriku amai lai.

³Tuku na ku ɵina siiwa ɗa, ɗai paŋ aga e hilisi suku.

⁴Guman meefeŋŋa a suwa suwai, amma tuku aga ku maŋ edi.

⁵Sleɗ aŋ midini ni na tuku ku varaŋ, n’a kiɗa a halasi wuzani arku, aŋ sumna war pakataini tempel na wiiku. Tiyi aga mi vi gaini wazagai na pɗamai na war dalamku, gaini wazagai na ɗik na warni tempelku ɗa lai.

⁶Tuku Alaw na ku kûrɗiyi, ku na ɗikat, Ku wiyiyi seŋ gaini wazagai n’abakai n’a bunda ɗif hiyak, n’a mula hunai pini ɗif lai. Tuku na ɗai n’edi mini koŋɗi yai gaini dibini yem-ra n’abakai paŋ e biyi war tuku.

⁷Gaini gdaŋku ku ɗiya huwoŋai gdaŋ, k’aŋ gaini vi gaini spak,

⁸ku tika suurani yem-ra n’abai azumai, ku tika suurani mayawni azumai, gaini migizi na wiiɗi ɗai lai.

⁹Nagai n’e ɗa edi warni koŋɗi yai ɗa paŋ ɗa, hunai aga te yimiɗi buri wazagai zi siŋki na ku zaŋ ɗa, piɗi futi na dawai par gaini na koskoi, aga a va gaini firiyi.

¹⁰Ku na tika hangaku sini afti, ku hina faŋ a ɵa viya, ku siɗi der viya, ra na wiiku ɗa a hiɗika kai, won hlai na ku zaŋ maini hanɗa ɵa ɗa, ku sa na ɗa a wai wiiɗi ɗai.

¹¹Ku hina hlai paŋ a ca yem, darɓazilai a hulɓa azumai, afti paŋ a ŋurɗa gaini faŋ, seyem ɗa a diya amai gaini futini lai.

¹²Ku viditi buza ɗa edi gaini wazagai a pɗamai na wiiku, hlai na ku vuga woni paŋ ɗa, ku nava der.

¹³Hlai zi simi farai edi war basga na kaɗataŋ ɗa a dina, boŋorai paŋ ɗa a va gaini firiyi.

¹⁴Hlai zi simi farai ɗa, a va gaini adumai gaini haakai, hudokai a va gaini algama lai. Hlai paŋ a suura gaini yama zi firiyi.