Read Mousgoum Yama na wiini David 67 Bible Online

Yama na wiini David 67 - Mousgoum bible

Yama na wiini David 67

¹Yama na wiini David n’e tikiŋsi war maktuɓ zi yama na wiini abai na midini Yama par, n’e ziniŋ gaini adill zi sogom. Yama.

²A zuva ɓa, Alaw za yumni sumu, a ɓukumu, a mula arni mudumu lai.

³Kapai ɗai na midɗi yai paŋ e siɗiti futiku lai pinzibaɗi ɗai paŋ aga e siɗi ɓa, ɗif zi kûrɗi ɗai ku tuku.

⁴Alaw wiya, ɗai e zuku tese, gaini laiɗi paŋ, e zuku tese.

⁵Pinzibaɗi ɗai paŋ e firiyi, e ɗûûli gaini firiyi, buri ɓa tuku ku ɗûkliti sariya war jre, ku ɵa wuzaɗi ɗai na midiɗi yai ɗa war jre lai.

⁶Alaw wiya, ɗai paŋ e zuku tese, gaini hlaiɗi paŋ e zuku tese.

⁷Afti ɗa a sa seyemni li, Alaw, Alaw na wmu a ɓukumu li.

⁸Alaw a ɓukumu, ɗai na midiɗi yai paŋ e sini hormo.